Qaýipti vırýs salǵyrttyqty kótermeıdi - Mahambet Dosmuhambetov
Óńirlik kommýnıkatsııalar qyzmetiniń aqparatyna qaraǵanda, jıynda aımaq basshysy
buǵan deıingi tájirıbeni negizge ala otyryp, shildeden beri jumys istep kele jatqan 114
mobıldik toptyń jumysyn jandandyrýdy júktegen.
«Biz úshin ár azamattyń qaýipsizdigi mańyzdy. Maska taǵýǵa beıjaı qaraýǵa bolmaıdy. Ara
qashyqtyqty saqtaý, qaýlynyń qaǵıdalarymen júrý basty talap ekenin umytpaý kerek.
Óıtkeni, qaýip áli seıilgen joq, bizge qazir bosańsıtyn emes, kerisinshe qaýipsizdikti kúsheıtetin ýaqyt keldi» - dedi oblys ákimi Mahambet Dosmuhambetov.
Mobıldik toptar halyqqa da, kásipkerlerge de koronavırýs ınfektsııasynyń qaýpi týraly túsindirýi kerek. Al shekteý talaptaryn óreskel buzatyndar bolsa, tıisti jazaǵa tartylýy tıis.
«Qazir pandemııanyń ekinshi tolqynyna daıyndyqty kúsheıttik. Alaıda, turǵyndar men
kásipkerler arasynda óńirdiń bas sanıtarlyq dáriger bekitken qaýly talaptaryn buzý
jaıttary bar. Qaýipti vırýs salǵyrttyqty kótermeıdi. Sondyqtan, ár azamat sanıtarlyq
talapty tolyq saqtaǵanda ǵana onyń taralýyn tolyq toqtatyp, qaýipten aman shyǵa alamyz», - dedi oblys ákimi Mahambet Dosmuhambetov.
Ákimniń aıtýynsha, óńirde 5 shilde-17 qazan aralyǵynda arnaıy qurylǵan 114 mobıldik
top 3315 tekseris júrgizip, 477 karantın talaptaryn buzý deregin anyqtaǵan.
Eske sala ketelik, budan buryn Teńiz kenishinde 9 adam koronavıýrs juqtyrǵanyn
habarlap edik.
