Qaýipti patogenderdi zańsyz qoldanǵany úshin qylmystyq jaýaptylyq kúsheıtiledi
Bul qadamdar búgin Májilistiń jalpy otyrysynda birinshi oqylymda maquldanǵan «Qazaqstan Respýblıkasynyń keıbir zańnamalyq aktilerine bıologııalyq qaýipsizdik máseleleri boıynsha ózgerister men tolyqtyrýlar engizý týraly» zań jobasynda qamtylǵan.
Aıta keteıik, búgin jalpy otyrysta «Qazaqstan Respýblıkasynyń bıologııalyq qaýipsizdigi týraly» negizgi zań jobasy birinshi oqylymda maquldandy.
«Zań jobasyn ázirleý salalyq zańnamany «Qazaqstan Respýblıkasynyń bıologııalyq qaýipsizdigi týraly» zań jobasynyń erejelerine sáıkes keltirý, Qazaqstanda bıologııalyq qaýipsizdikti qamtamasyz etýdiń biryńǵaı júıesin qurý maqsatynda retteýshilik tetikterdi jetildirý jáne talaptardy buzǵany úshin jaýapkershilikti belgileý qajettiligine negizdelgen», - QR Densaýlyq saqtaý mınıstri Alekseı Tsoı.
Іlespe zań jobasy úkimettik nusqada 3 kodeksti jáne 10 zańdy qosa alǵanda, 13 zańnamalyq aktige ózgerister engizýdi kózdeıdi. Onyń ishinde:
- asa qaýipti bıoagenttermen jumys isteıtin uıymdardy aldaǵy tekserý týraly aldyn ala habarlaýdy alyp tastaı otyryp, bıotáýekelderdi esepke alý, monıtorıngteý jáne baǵalaý derekteri negizinde naqty memlekettik baqylaýdy engizýdi;
- qaýipti patogenderdi zańsyz qoldanǵany, ótkizgeni jáne urlaǵany úshin, sondaı-aq aýyr zardaptarǵa ákep soqtyrǵan, olarmen jumys isteý talaptaryn buzǵany úshin qylmystyq jaýaptylyq engizýdi;
- densaýlyq saqtaý salasynda dezınfektsııa, dezınsektsııa jáne deratızatsııa jónindegi qyzmetterdi lıtsenzııalaýdy engizýdi;
- jumys júrgiziletin patogenderdi kórsete otyryp, árbir obektige ruqsat berý bóliginde ruqsat berý júıesin naqtylaý, sondaı-aq sol ruqsattardan aıyrý (keri qaıtaryp alý) úshin negizderdi belgileýdi;
- bıoqaýipsizdikti qamtamasyz etý maqsatynda Qorǵanys mınıstrliginiń ókilettikterin tolyqqandy iske asyrý úshin tıisti retteýdi belgileýdi;
- bıologııalyq qarýdy ázirleýge, óndirýge jáne jınaýǵa tyıym salý jónindegi halyqaralyq mindettemelerdi oryndaý maqsatynda ýákiletti organdy terrorıstik qaýip-qaterlerge qarsy is-qımyldyń biryńǵaı júıesine engizýdi;
- patogendigi І toptaǵy patogendi bıologııalyq agenttermen jumys isteıtin yqtımal qaýipti obektilerdi strategııalyq obektilerge jatqyzýdy kózdeıdi.
«Zań jobasy qoldanysqa engizý úshin alty aılyq ótpeli kezeńdi, sondaı-aq densaýlyq saqtaý salasynda dezınfektsııa, dezınsektsııa jáne deratızatsııa qyzmetterin kórsetýge lıtsenzııany resimdeý úshin qosymsha 6 aıdy kózdeıdi», - dedi mınıstr.
