Qaýipti nysandarda ónerkásiptik qaýipsizdik salasyndaǵy qadaǵalaý kúsheıtiledi
Zań jobasy ónerkásiptik qaýipsizdik salasyndaǵy zańnama normalaryn jetildirý, qaýipti nysandarda ónerkásiptik qaýipsizdik salasyndaǵy memlekettik qadaǵalaýdy júzege asyrýdyń tıimdiligin arttyrýǵa, ónerkásiptik qaýipsizdik salasynda jumys isteýge tartylatyn attestattalǵan jáne avarııalyq-qutqarý jumystaryn júrgizý boıynsha qyzmet kórsetetin uıymdardyń qyzmetin retteýge baǵyttalǵan.
«Kásiporyndarda óndiristik baqylaý rólin arttyrý maqsatynda óndiristik baqylaý qyzmetteriniń laýazymdy tulǵalarynyń qyzmetin reglamentteý jáne olardyń mártebesin kúsheıtý usynylady. Atap aıtqanda, uıymnyń laýazymdy tulǵalaryn qyzmetkerlerdiń ómiri men densaýlyǵyna qaýip tóndiretin, talaptardy buza otyryp júzege asyrylatyn jumystardy toqtata turý ókilettigimen ónerkásiptik qaýipsizdiktiń jaı-kúıin tekserýdi uıymdastyrý men júrgizý, sondaı-aq ónerkásiptik qaýipsizdik talaptaryna sáıkes kelmeıtin adamdardy jumystan shettetý quqyǵyn berý usynylady», - dedi QR Indýstrııa jáne ınfraqurylymdyq damý mınıstri Beıbit Atamqulov.
Onyń sózine qaraǵanda, ónerkásiptik qaýipsizdik salasyndaǵy jumystardy júrgizý quqyǵyna attestattalǵan uıymdardyń jáne avarııalyq-qutqarý jumystaryn júrgizý jónindegi qyzmetterdi usynatyn uıymdardyń qyzmetin retteý úshin zań jobasynda osy uıymdarǵa qadaǵalaýdy júzege asyrý kózdeledi.
«Qaýipti óndiristik nysandarda apattar men oqıǵalardy tergep-tekserýdi júrgizýdiń biryńǵaı tártibin belgileý úshin apattar men ıntsıdentti tergep-tekserý jónindegi komıssııanyń ókilettikterin, olardy qurý tártibin, nátıjelerin resimdeýdi jáne uıymdardyń tergep-tekserýler júrgizilgennen keıin is-qımyldaryn naqtylaý usynylady», - dedi mınıstr.