Qaýipti 5 elden ushyp kelgender shıpajaılarǵa jatqyzylady - Almaty ákimi
ALMATY. QazAqparat - Frantsııa, Iran, Italııa, Ispanııa, Germanııadan ushyp kelgenderdi oqshaýlaýǵa 3 shıpajaı ǵımaraty daıyndalyp jatyr, dep habarlaıdy QazAqparat tilshisi.
Bul týraly qala ákimi Baqytjan Saǵyntaev málimdedi.
Qala basshysy oqshaýlaý oryndarynyń daıyndyǵymen tanysty.
«Búgin koronavırýsty juqtyrý boıynsha 1A sanatyna jatqyzylǵan elderden áýe qatynasy arqyly ushyp kelgen jáne naýqastarmen baılanysta bolǵandardy oqshaýlaıtyn oryndardyń daıyndyq jumystarymen tanystym. Búginde oǵan Frantsııa, Iran, Italııa, Ispanııa, Germanııa kiredi. Bul — qala turǵyndarynyń arasyna vırýstyń taralýyna tosqaýyl bolýǵa kómektesedi. 14 kúndik karantınge arnalǵan ortalyqtar «Aqqaıyń», «Qazaqstan», «Kóktem» sanatorııleri men Asfendııarov atyndaǵy medýnıversıtet jataqhanasynyń bazasynda qurylady. Bul JOO-nyń taǵy bir jataqhanasynda qala mańynda turatyn jáne qalanyń emhanalary men aýrýhanalarynda jumys isteıtin dárigerler men medpersonal ornalastyryldy.
Koronavırýstyń taralýyna tosqaýyl bolýdyń basty qarýy – oqshaýlaný. Sondyqtan zaqymdaný oshaqtary buǵattaldy. Onyń biri — Gogol kóshesindegi úı. Medeý aýdanynyń ákimdigine tártip saqtaýdy, turǵyndar úshin azyq-túlik jetkizýdi, medıtsınalyq qyzmetkerler, sanepıdemıologtar men polıtseıler úshin jaǵdaı jasaýdy tapsyrdym», - dedi qala ákimi.
Aıta ketý kerek, Almaty bıligi keshe aýrý oshaǵy retinde 10 mekenjaıdy ataǵan bolatyn.
Qazir Qazaqstanda 53 koronavırýs juqtyrý deregi tirkeldi.
NurSultan qalasynda -28, Almatyda – 22, Qaraǵandyda -2, Almaty oblysynda 1 jaǵdaı anyqtaldy.
