Qaýipsizdikti saqtaý boıynsha jumys isteý kerek - Ishki ister mınıstriniń orynbasary
ASTANA. QazAqparat - Petropavlda Soltústik Qazaqstan oblysynyń Ishki ister organdarynyń jumysyn qorytyndylaǵan keńes jumysyna oblysy ákimi Erik Sultanov pen Ishki ister mınıstriniń orynbasary general-maıor Erlan Turǵymbaev qatysty.
Oblystyq IID basshysy general-maıor Berik Bilálovtiń aıtýynsha, 2016 jyly óńirde 9 031 qylmys tirkelgen, bul 2015 jylmen salystyrǵanda 11 paıyzǵa az.
«Qylmystardyń barlyq túri boıynsha kórsetkishteri jaqsardy. Olardy ashý boıynsha jalpy kórsetkish 66 paıyzdy, aýyr qylmystar boıynsha 87 paıyzdy, asa aýyr qylmystar boıynsha 97 paıyzdy qurady», - dedi Berik Bilálov.
Jıynda oblystyq TJD, Qylmystyq-atqarý júıesi, Jergilikti polıtsııa qyzmetiniń bjumystary jaıly aıtyldy.
Ishki ister mınıstriniń orynbasary qaýipsizdik boıynsha joǵarǵy pozıtsııada turǵanyn atap ótti. Sondaı-aq, vıtse-mınıstr polıtsııa jumysyndaǵy jańalyqtar engizilimder boıynsha túsinik berdi.
Budan keıin oblys ákimi Erik Sultanov sóz sóıledi.
«Ishki ister departamenti tıisti quqyqtyq tártipti qamtamasyz etý úshin aýqymdy jumys atqardy. Ótken jyly qylmystar sany azaıdy, qoǵamdyq oryndardaǵy, kóshelerdegi jaǵdaı durystaldy, balalar qylmysy, mas kúıinde jasalǵan qylmystardyń sany azaıdy», - dedi óńir basshysy.
Jıyn barysynda Erik Sultanov ótken jyl boıynsha jedel qyzmet qorytyndylary boıynsha úzdik dep tanylǵan ishki ister organdardyń bólimshilerin marapattady.
Kezdesý sońynda Qazaqstan Respýblıkasynyń ishki ister mınıstriniń orynbasary Erlan Turǵymbaev Soltústik Qazaqstan oblysynyń Ishki ister departamentine baıraqty tapsyrdy.
