Qaýipsizdikti qamtamasyz etýdegi josparly jumystar

dep habarlaıdy QM baspasóz qyzmeti.

Kún tártibine sáıkes birinshi jartyjyldyqtaǵy jaýyngerlik ázirliktiń qorytyndysy jáne áskerlerdegi jaýyngerlik daıyndyqtyń sapasyn arttyrý máselesi qaraldy. Qazaqstan Armııasy qarý-jaraǵy men áskerı tehnıkasynyń damý tujyrymdamasy, sonymen birge Qazaqstan Respýblıkasy Qarýly Kúshteri basshy quramynyń áskerı tártip pen quqyqtyq tártipti qamtamasyz etýdegi jumysy talqylandy.

- Qarýly Kúshterdiń basty mindetteriniń biri qazirgi zamanǵy qaýip-qaterlerge jaýap bere alatyn áskerlerdiń jaýyngerlik jáne jedel ázirligi kórsetkishteriniń sapasyn kóterý, kásibı áskerı basqarý korpýsyn qurý bolyp tabylady,-dep atap kórsetti alqa otyrysynda Qorǵanys mınıstri Ádilbek Jaqsybekov. - Bul El Prezıdenti - Qazaqstan Qarýly Kúshteri Joǵarǵy Bas qolbasshysynyń Qarýly Kúshterdiń jaýyngerlik ázirligi men básekege qabilettigin arttyrý talabyn júzege asyrý múmkindikterin týǵyzady.

Jaýyngerlik ázirlik Qarýly Kúshterdiń tehnıkalyq jaraqtandyrylýymen tikeleı baılanysty ekendigi belgili. Osy maqsatta Qorǵanys mınıstrliginde qarý-jaraq pen áskerı tehnıkany damytýdyń Tujyrymdamasy jasalýda.

El Qarýly Kúshteriniń Joǵarǵy Bas qolbasshysy N.Á.Nazarbaev sonymen birge rezervtegilerdiń de sapaly daıyndyǵyna asa zor mán beredi.
Memleketimizdiń táýelsizdigi men tutastyǵyn qorǵaý jáne basqa da mindetterdi tolyqqandy júzege asyrý jeke quramnyń daıyndyǵyna jáne Armııanyń zamanaýı qarý- jaraqpen qamtamasyz etilýine de baılanysty.

Qalyptasqan dástúr boıynsha, bıylǵy jyly Konstıtýtsııanyń 15 jyldyǵyna áskerı sherý ótkizilip, Qazaqstan Armııasynyń jaýyngerlik qýaty kórsetilmek.

Alqa otyrysynda atap ótilgendeı, jalpy Qarýly Kúshterde, Otanymyzdyń qaýipsizdigin qamtamasyz etýge baılanysty josparly jumystar júrgizilýde.

Ótken jyly Qorǵanys mınıstrliginiń qurylymynda Áskerı-tehnıkalyq saıasat departamenti dúnıege keldi. Bul sheshim ýaqyt talabyna saı júzege asyryldy, departamenttiń qyzmeti qazirdiń ózinde jemisin berýde. Departamenttiń bastamasymen «KADEX-2010» birinshi qarý-jaraq jáne áskerı-tehnıkalyq múlik halyqaralyq kórmesi uıymdastyrylyp ótkizildi.

Qazirgi tańda áskerı-tehnıkalyq saıasat tujyrymdamasy ázirlený ústinde, bul salada halyqaralyq baılanystar keńeıýde.

- Jetken jetistiktermen shektelip toqtap qalýǵa negiz joq, áli atqarylatyn ister jetkilikti, otandyq qorǵanys kásiporyndarymen baılanysty keńeıtip, nyǵaıta túsken jón. Buǵan Respýblıka Úkimetiniń sheshimimen Qorǵanys mınıstrliginiń quramyna engen «Kazınjınırıng» UK AQ men «Kazvzryvprom» AQ múmkindik týǵyzady dep atap ótti qorǵanys vedomstvosynyń basshysy.- Sondaı-aq, memlekettik qorǵanys tapsyrysynyń sapaly oryndalýy úshin birlesip jumys isteý qajet.

Osyǵan oraı áskerı alqa qarsańynda Qorǵanys mınıstri Ádilbek Jaqsybekov qorǵanys ónerkásibi basshylarymen kezdesip, keńes ótkizgen bolatyn.

Keńesti ótkizý maqsaty áskerı maqsattaǵy ónimderdi óndiretin otandyq kásiporyndardy kóptep tarta otyryp, qarý-jaraq pen áskerı tehnıkany damytý, tehnologııalyq jetildirý máseleleriniń negizgi baǵyttaryn talqylaý bolyp tabylady.

Sondaı-aq, mınıstr ǵylymı jáne joǵary tehnologııalyq óndiris oryndaryn qurý jolymen, áskerı maqsattaǵy jańa ónimder óndiretin qorǵanys kásiporyndaryn damytý áskerimizdiń qorǵanys qabiletin jetildire túsetinin atap ótti.

- Biz birlesken áskerı-tehnıkalyq saıasat júrgizý arqyly memleketimizdiń qaýipsizdigin qamtamasyz etý úshin qarý-jaraq pen áskerı tehnıka suranysyn anyqtaı alamyz, - dep atap ótti Qorǵanys mınıstri. - Osy saıasattyń áskerler men áskerı quralymdarǵa tıimdiliginen Qarýly Kúshterdiń jaýyngerlik ázirligi men jaýyngerlik qabiletin anyqtaýǵa bolady.

Áskerı alqa otyrysynda, sonymen qatar, áskerı tártip máselesi de keńinen talqylandy.

Qarýly Kúshterde júrgizilgen áskerı jáne quqyqtyq tártip sartaptamasy kórsetkendeı, sońǵy ýaqytta bul máselede ilgerleýshilik basym.

Qorǵanys mınıstri áskerı tártipti jetildirý jumystary boıynsha jaýapty tulǵalarǵa naqty tapsyrmalar qoıdy. Onyń ishinde tárbıeshi ofıtserlerge bólimder men bólimshelerde «kóshbasshylyq qozǵalystar» júıesin engizý qajettigi de aıtyldy.

Qorǵanys vedomstvosynyń basshysy 2010 jyldyń ekinshi jartysyna tapsyrmalar qoıdy. Onyń ishinde áskerler men basqarý organdarynyń jaýyngerlik deńgeıin arttyrý bar.

Alqa otyrysynda ústimizdegi jylǵy qyrkúıek aıynda ShYU sheńberinde ótetin «Beıbit mıssııa» terrorǵa qarsy jattyǵýlaryn ótkizý máselesi de talqylandy.

Alqa otyrysynan soń mınıstr Garnızondyq ofıtserler úıinde Qazaqstan Qarýly Kúshteriniń basshylyq quramymen jeke qalyp, osy jattyǵýǵa daıyndyq barysyna qatysty alqaly keńes ótkizdi. Onda uıymdastyrý jumystary, áskerlerdi, Oqý ortalyǵynyń nysandary men ınfraqurylymyn daıyndaý, garnızonnyń oqý-materıaldyq bazasy máseleleri keńinen qarastyryldy.

Osy jerde buǵan deıin atalǵan jattyǵýlardyń tórt raýndy ótkizilgenin atap ótken jón. Áskerı jattyǵýlardy josparlaý men ony ótkizý týraly kezdesýlerge ShYU-na múshe elderdiń áskerı delegatsııalary qatysty.


- Búgingi jıynda qyzmetimizdi odan ári jetildire túsýge negiz beretin máseleler áńgimege arqaý boldy dep aıta alamyn, - dedi Qorǵanys mınıstri.

- Sizderde nátıjesi jaýyngerlik oqý, áskerı tártip jaǵdaıy, qarý-jaraq pen áskerı tehnıkanyń jaýyngerlik qabiletin, bir sózben aıtqanda Qarýly Kúshterdiń qabiletin kórsetetin máselelerdi sheshýdegi túsinistik qalyptasty dep senimmen aıta alamyn. Alqa otyrysynyń jabylýynda Qorǵanys mınıstri Ádilbek Jaqsybekov árbir laýazymdy tulǵa Qarýly Kúshter aldynda turǵan tapsyrmalardy sheshýde laıyqty úles qosady degen senimin jetkizdi.