Qaýipsizdik talaptaryn elemegen 600-den astam kásiporynnyń basshysyna aıyppul salyndy
ASTANA. 1 sáýir. QazAqparat - Tótenshe jaǵdaılardy jáne ónerkásiptik qaýipsizdikti memlekettik baqylaý komıteti bıyldyń úsh aıynda 7 698 nysan men 1 166 kásiporyndy tekserip shyqty.
QR TJM málimetterine qaraǵanda, osynyń nátıjesinde tehnıkalyq qaýipsizdik erejesi men talaptardyń oryndalmaýyna baılanysty 17 439 buzýshylyqtar anyqtaldy. Osy oraıda 928 nysannyń jumysy ýaqytsha toqtatylyp, 25 mln. teńge kóleminde kásiporyndardyń 631 basshysyna aıyppul sanktsııalary salyndy.
QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Tótenshe jaǵdaılar vıtse-mınıstri Valerıı Petrovtyń sózine qaraǵanda, 9559 tynys-tirshilikti qamtamasyz etý, áleýmettik-mádenı baǵyttaǵy nysannyń órtke qarsy jaǵdaıy tekserildi. Órt qaýipsizdik qaǵıdalaryn buzǵany úshin 7160 adam ákimshilik jaýapkershilikke tartyldy, onyń ishinde 6711 laýazymdy tulǵaǵa 76 mln. teńge somaǵa aıyppul salyndy.
