Qaýipsizdik sharalaryn elemeıdi – qutqarýshylar ózen-kólde reıd ótkizýde
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men polıtseıler sý aıdyndarynda reıd ótkizip jatyr. Ásirese shomylýǵa ruqsat etilmegen oryndar basty nazarǵa alynǵan. Jalpy osy ýaqytqa deıin olar 1800-den astam ret ózen-kól jaǵasyn patrýldedi.
«Shomylý kezeńi bastalǵanǵa deıin turǵyndarǵa túsindirý jumystary júrgizilip jatyr. Alaıda azamattardyń kóbisi qaýipsizdik sharalaryn elemeıdi jáne sý qoımalarynyń janynda alkogoldi ishimdik ishedi. Tipti keıbiri tyıym salý belgilerin kórse de balalaryn osynda ákeledi. Shomylý kezeńi bastalǵaly beri óńirde 2 adam sýǵa ketti», - deıdi oblystyq TJD bastyǵynyń orynbasary Arman Toqanov.
Reıdterdiń nátıjeleri boıynsha jaǵajaıda mas bop júrgen eki azamat QR ÁQBtK-niń 440-babyna sáıkes ákimshilik jaýapkershilikke tartylǵan.
