Qaýipsizdik salasyndaǵy ShYU ortalyǵyn qurý qajet - L.Ketsıan
ASTANA. QazAqparat - Qaýipsizdik salasyndaǵy Shanhaı yntymaqtastyq uıymy ortalyǵyn qurý qajet. Bul týraly búgin elordadaǵy Táýelsizdik saraıynda ótip jatqan Shanhaı yntymaqtastyq uıymyna múshe memleketterdiń Úkimet basshylary keńesiniń keńeıtilgen quramdaǵy otyrysynda Qytaı Memlekettik keńesiniń premeri Lı Ketsıan aıtty.
«Qazirgi tańda óńirdiń saıası ári ekonomıkalyq salalarynda óte kúrdeli ózgerister oryn alýda. Búginde esirtki saýdasy, uıymdasqan qylmys jáne kıberqylmys syndy «úsh zulymdyqtyń» qaıta jandana túsýi baıqalyp otyr. Biz bul syn-qaterlerge barynsha saq ári abaı bolýymyz kerek», - dedi ol.
Osy rette L.Ketsıan qytaı taraby estremızmmen kúres týraly konventsııaǵa tez arada qol qoıýǵa shaqyratyndyǵyn jáne ShYU-ǵa esirtki bıznesimen kúres qyzmetin berý qajettigin basa aıtty.
«Osy negizde qaýipsizdik salasyndaǵy syn-qaterler máseleleri jónindegi ortalyq qurý qajet», - dedi Qytaı premeri.
Sonymen qatar ol ShUY elderin Aýǵanstan úkimetiniń turaqtylyqty qamtamasyz etýdegi kúsh-jigerine qoldaý kórsetýge shaqyrdy.
