Qaýipsizdik salasy birinshi kezekte qarjylandyrylady - K.Másimov
ASTANA. QazAqparat - 10 maýsymda qaýipsizdikti kúsheıtýge baǵyttalǵan Qazaqstan Prezıdentiniń tapsyrmalary birinshi kezekte qarjylandyrylatyn bolady.
Bul týraly búgin QR Premer-Mınıstri Kárim Másimov málim etti.
«Qaýipsizdikti kúsheıtýge baǵyttalǵan Qazaqstan Prezıdentiniń tapsyrmalary birinshi kezekte qarjylandyrylatyn bolady», - dedi K.Másimov QR Úkimetiniń otyrysynda.
Osyǵan baılanysty Úkimet basshysy Ulttyq ekonomıka jáne Qarjy mınıstrlikterin erekshe atap ótti.
Sonymen qatar ol Memleket basshysynyń tapsyrmalaryn belgilengen merzimde tııanaqty júzege asyrylýyn baqylaýda ustap turýdy qamtamasyz etý qajettigine de nazar aýdardy. Memleket basshysyna baıandamas buryn, aı saıyn Úkimette osy tapsyrmalar boıynsha aralyq esepter tyńdalatyn bolady. Onyń ústine respýblıkalyq bıýdjettik komıssııanyń arnaıy otyrysy ótip, onda qaýipsizdik máseleleri maqsattaryna qarastyrylatyn bıýdjet jobasy talqylanady.
