Qaýipsizdik Keńesiniń vedomstvoaralyq komıssııa otyrysynda Áskerı-teńiz kúshteri men QR UQK Shekara qyzmetiniń jaǵalaýdy kúzetýdegi teńiz bólimderiniń aǵymdaǵy jaı-kúıi qaraldy
Otyrysqa QR Qaýipsizdik Keńesiniń hatshysy - Hatshylyq meńgerýshisi Qozy-Kórpesh Jańbyrshın tóraǵalyq etti.
Kún tártibine úsh másele engizildi: qylmystyq-atqarý júıesin damytý jónindegi sharalary, Áskerı-teńiz kúshterin damytý perspektıvalary, memlekettik shekaradan azamattardyń ótýine baqylaý júrgizý týraly.
ІІM Qylmystyq-atqarý júıesi komıtetiniń tóraǵasy Baýyrjan Berdalın vedomstvoaralyq komıssııa múshelerin qylmystyq-atqarý júıesin damytý jumystarynyń barysy, zańdylyqtyń saqtalýy men osyǵan baılanysty problemalar týraly habardar etti. Tehnıkalyq jabdyqtaý, kadrlardy nyǵaıtý, zańnamany jetildirý máseleleri qaraldy.
Ekinshi másele boıynsha Qorǵanys mınıstriniń orynbasary Sergeı Gromov pen UQK tóraǵasynyń orynbasary Vladımır Jumaqanov Áskerı-teńiz kúshteri men UQK Shekara qyzmetiniń jaǵalaýdy kúzetýdegi teńiz bólimderiniń aǵymdaǵy jaı-kúıi, sondaı-aq olardyń damý perspektıvalary týraly baıandama jasady. Erekshe nazar jaǵalaýdaǵy ınfraqurylym men navıgatsııalyq qamtamasyz etý, áskerı-teńiz kadrlaryn daıyndaýǵa aýdaryldy.
Azamattardyń Qazaqstan Respýblıkasynyń memlekettik shekarasyna kirý-shyǵýdy retteý máselesin taldaý aıasynda tirkeý rásimin údetý jónindegi usynystardy, shetelde Qazaqstan azamattaryn konsýldyq esepke qoıýdy, sondaı-aq elektrondyq úkimet portaly múmkindikterin paıdalana otyryp, jeke jáne zańdy tulǵalar úshin elektrondyq qyzmetti engizý perspektıvalaryn qosa alǵanda uıymdastyrýshylyq jáne tehnıkalyq sharalary taldandy.
Otyrys nátıjesi boıynsha múddeli memlekettik organdarǵa tıisti tapsyrmalar berilip, olarǵa baqylaý júrgizý Qaýipsizdik Keńesiniń hatshylyǵyna júkteldi.