Qaýipsizdik Keńesiniń Tóraǵasy Qorǵanys mınıstrin qabyldady

NUR-SULTAN. QazAqparat – Qaýipsizdik Keńesiniń Tóraǵasy Qorǵanys mınıstri Nurlan Ermekbaevty qabyldady, dep habarlaıdy QazAqparat elbasy.kz-ke silteme jasap.

Kezdesýde Nursultan Nazarbaevqa 2020 jyldyń qorytyndysy boıynsha Qarýly kúshterdiń jaýyngerlik jáne jedel daıyndyǵy nátıjeleri, sondaı-aq ony jetildirý baǵytynda qabyldanǵan sharalar týraly baıandaldy.

Sonymen birge qorǵanys mınıstri áskerı medıtsınanyń damýy jáne Qarýly kúshterdiń COVID-19 pandemııasyna qarsy is-sharalarǵa atsalysqany jóninde aıtyp berdi.

Kezdesý qorytyndysy boıynsha Qaýipsizdik Keńesiniń Tóraǵasy birqatar naqty tapsyrma berdi.