Qaýipsizdik Keńesiniń otyrysynda Almatydaǵy jaǵdaı boıynsha sheshim qabyldanady - Kárim Másimov
ASTANA. QazAqparat - Qaýipsizdik Keńesiniń jedel otyrysynda Almatydaǵy jaǵdaı boıynsha sheshim qabyldanady. Bul týraly QR Premer-Mınıstri Kárim Másimov Týıtterdegi akkaýntynda jazdy.
«Memleket basshysynyń qatysýymen ótetin Qaýipsizdik Keńesiniń jedel otyrysyna bara jatyrmyn. Almatydaǵy jaǵdaı boıynsha sheshim qabyldanady», delingen jazbada.
Eske sala ketsek, búgin belgisiz bireýler Almatynyń birneshe aýdanynda oq atqan - qazir qalada UQKD ǵımaraty, Abylaıhan kóshesi tolyǵymen jáne Abaı dańǵyly qorshaýǵa alyndy.
Qarýly qaqtyǵys nátıjesinde 7 polıtsııa qyzmetkeri aýrýhanaǵa tústi. Ókinishke qaraı, osy atys saldarynan bir beıbit turǵyn men úsh polıtsııa qyzmetkeri qaza tapqany habarlanyp otyr.
Shabýylshylardyń biri dereý quryqtaldy, ekinshisi keıinirek ustaldy. Sondaı-aq Almaty qalasynyń aýmaǵynda terrorıstik qaýiptiliktiń «qyzyl» deńgeıi belgilendi.
