Qaýipsizdik Keńesiniń hatshysy Q.Qojamjarov pen UQShU Bas hatshysy N.Bordıýja tájik-aýǵan shekarasyndaǵy ahýaldy talqylady

ASTANA. 3 qyrkúıek. QazAqparat - Búgin «Aqorda» Prezıdent Rezıdentsııasynda Prezıdent kómekshisi - Qaýipsizdik Keńesiniń hatshysy Q.Qojamjarovtyń Ujymdyq qaýipsizdik sharty uıymynyń Bas hatshysy N.Bordıýjamen kezdesýi ótti.

N.Bordıýja tájik-aýǵan shekarasyndaǵy ahýaldy zertteý boıynsha Sarapshylar toby qyzmetiniń qorytyndylary týraly habardar etti.

Kezdesý barysynda UQShU Ujymdyq qaýipsizdik keńesiniń kezekti sessııasyna materıaldardy ázirleý, UQShU-nyń áskerı baǵytynyń tıimdiligin arttyrý, onyń ishinde UQShU Ujymdyq jedel den qoıý kúshterin jabdyqtaý máseleleri, sonymen qatar aımaqtyq qaýipsizdik máseleleri talqylandy. Sondaı-aq, kezdesý sheńberinde Uıymnyń keıingi qyzmetine qatysty ózge de máseleler qarastyryldy.