Qaýipsizdik keńesinde Azııa ókildiginiń keńeıýi jahandyq basqarýda BUU rólin nyǵaıtady - sarapshy
Bul týraly «QazAqparat» HAA tilshisine bergen suhbatynda syrtqy saıasattaǵy Germanııalyq keńestiń Shyǵys Eýropa, Reseı jáne Ortalyq Azııany zertteýler (DGAP) jetekshisi Shtefan Maıster aıtty.
Sarapshynyń aıtýynsha, Qazaqstan Prezıdenti Nursultan Nazarbaev BUU Bas Assambleıasynyń 70-sessııasynda sóılegen sózderinde memleket basshylarynyń nazaryn ózekti jahandyq qaýip-qaterlerge aýdardy.
«N.Nazarbaev ekonomıka, áleýmettik sala jáne álemdik qaqtyǵystardy qozǵaıtyn mańyzdy máselelerdi kóterdi. Terrorızm, mıgratsııa jáne ózge de keleńsiz máseleler - bul jahandyq ekonomıkalyq daǵdarystyń saldary. Sondyqtan daǵdarysqa qarsy menedjment mańyzdy», - dep atap ótti Shtefan Maıster.
Sarapshy da jahandyq úderisterdi Azııanyń róli artyp kele jatyr dep sanaıdy. Osyǵan baılanysty Sh.Maıster BUU-nyń álemdegi bedeli men áserin nyǵaıtý amaldarynyń biri BUU Qaýipsizdik keńesinde Azııa elderiniń ókildigin keńeıtý dep esepteıdi
«BUU Qaýipsizdik Keńesinde Azııanyń ókildigin keńeıtý kerek dep oılaımyn. Bul Azııa elderin halyqaralyq kún tártibine tartady. Bul qadam jahandyq basqarýdaǵy BUU rólin nyǵaıtatynyna senimdimin», - dep túıindedi Sh.Maıster.
