«Qaýipsiz jol» jedel profılaktıkalyq is-sharasynyń bir kúni ishinde 588 jol qozǵalysy erejelerin buzýshylyq anyqtaldy
ALMATY. 19 qarasha. QazAqparat /Názıra Eleýhan/ - Almatyda respýblıkalyq "Qaýipsiz jol" jedel-profılaktıkalyq is-sharasy ótip jatyr.
Bul aktsııa keshe, 18 qarashada bastaldy. Іs-shara jol qozǵalysy erejeleriniń barlyq buzýshylyqtaryn anyqtaý men aldyn alýǵa baǵyttalǵan.
«Bir kúnniń ishinde Almaty qalasynyń jol ınspektorlary eki jarym myńnan asa kólikti tekserip, sonyń nátıjesinde 588 jol qozǵalysy erejelerin buzýshylyq anyqtaldy. Olardyń kóbi jyldamdyqty arttyryp jol erejesin buzǵandar. Sondaı-aq, bir túnde qozǵalystyń qarsy jolaǵyna shyǵý tártibin buzýshylyqtyń 37 faktisi tirkeldi. 20-ǵa jýyq júrgizýshi kólikti mas kúıde basqarýǵa baılanysty júrgizýshi kýáliginen aıyryldy. Sonymen qatar, qoǵamdyq kólik júrgizýshileri de tekserildi. Іri jol erejelerin buzǵandyǵy úshin 15 avtobýs júrgizýshisi ákimshilik jaýapkershilikke tartyldy.Al, bir kúnde jaıaý júrginshilermen jasalǵan JQE-ni buzýshylyqtyń 26 faktisi tirkeldi»,-dedi Almaty qalasynyń ІІD Jol polıtsııasy basqarmasy bastyǵynyń orynbasary, polıtsııa podpolkovnıgi Muhtar Amanbekov.
Іs-shara 20 qarashaǵa deıin jalǵasady.
