«Qaýipsiz jol» jedel-profılaktıkalyq is-sharasyn ótkizýdiń barysy jol-kólik oqıǵalarynyń azaıǵanyn kórsetti
ASTANA. Tamyzdyń 11-i. QazAqparat /Danıel Shaıynǵazın/ - 2010 jyldyń 7 aıy ishinde respýblıka joldarynda 5903 jol-kólik oqıǵalary (JKO) tirkelip, onda 1363 adam qaza tapty jáne 6889 adam jaraqat aldy. 2009 jyldyń osyndaı kezeńimen salystyrǵanda oqıǵalar sany 5,0% (-313) azaıdy, qaza tapqandar sany 1,7% (-23) jáne jaraqat alǵandar sany 5,4% (-395) azaıdy.
Alaıda, apattylyqtyń negizgi kórsetkishteriniń azaıǵanyna qaramastan elimizde jol qaýipsizdigin qamtamasyz etý kúrdeli bolyp qalýda, dep habarlaıdy ІІM Ákimshilik polıtsııa komıtetinen.
Eseptik kezeńde 14 (+16,7%) iri JKO tirkelip, onda 94 (+44,6%) adam qaza tapty jáne 53 (+231,3%) adam jaraqat aldy.
Jol qozǵalysy erejeleriniń (JQE) talaptaryn saqtaýǵa jol polıtsııasynyń qadaǵalaýyn kúsheıtý, bul JKO eskertýdiń birden-bir tıimdi ádisi bolyp tabylatynyn tájirıbe kórsetti.
Osyǵan baılanysty, joldarda apattylyqtyń jaı-kúıin odan ári turaqtandyrý maqsatynda Qazaqstan Respýblıkasy ІІM 2010 jylǵy tamyzdyń 9-y men 15-i aralyǵynda jalpyrespýblıkalyq «Qaýipsiz jol» jedel-profılaktıkalyq is-sharasy ótkizýde.
Joldarda jol polıtsııasy jasaqtarynyń sany kóbeıtildi, jeke quramnyń jumysy JKO-nyń bolýyna soqtyratyn JQE-ny eń qaýipti buzýshylyqtardy aıqyndaý men jolyn kesýge baǵyttalǵan.
Operatsııany ótkizýdiń alǵashqy eki kúniniń ishinde JQE-ny 14 myńǵa jýyq buzýshylyq aıqyndaldy. 429 júrgizýshiler kólikti mas kúıde basqarǵany úshin ákimshilik jaýapkershilikke tartyldy, jyldamdyq tártibin asyrǵany úshin 3 myńǵa jýyq júrgizýshilerge, qarsy joldyń baǵytyna shyqqany úshin 227 júrgizýshige aıyppul salyndy, kólik quraldaryn tıisti qujattarsyz basqarýdyń 900-ge jýyq faktisi aıqyndaldy. JQE men kólikti paıdalanýdyń jolaýshylar kóliginiń júrgizýshilerimen jasalǵan 477 buzýshylyǵy, memlekettik kóliktiń júrgizýshilerimen jasalǵan 97 buzýshylyǵy anyqtaldy. Sondaı-aq is-sharany ótkizý kezinde JQE buzǵandyǵy úshin 400-ge jýyq jaıaý júrginshiler ákimshilik jaýapkershilikke tartyldy.
