«Qaýipsiz jol» jedel-aldyn alý sharasynyń alǵashqy kúni jol qozǵalysy erejesin buzýdyń 1182 faktisi anyqtaldy - Astana qalalyq ІІD
ASTANA. Sáýirdiń 13-i. QazAqparat - Keshe elordada bastalǵan «Qaýipsiz jol» jedel aldyn alý sharasynyń alǵashqy kúni jol qozǵalysy erejesin buzýdyń 1182 faktisi anyqtaldy.
Bul týraly búgin Astana qalalyq ІІD-inde ótken baspasóz máslıhatynda Jol polıtsııasy basqarmasynyń bólim bastyǵy Baýyrjan Sholanov málim etti.
Sharanyń basty maqsaty - kóliktegi jol apatynyń aldyn alý, boldyrmaý, sondaı-aq Astana joldarynda sanıtarlyq jaǵdaıdy tómendetý ekendigin atap ótken onyń aıtýynsha, sáýirdiń 18-ine deıin sozylatyn jedel aldyn alý sharasy aıasynda qalanyń joldarynda turatyn jol polıtsııasy ınspektorlarynyń qatary kóbeıedi. Baqylaý-jelilik qyzmettermen birlesip qoǵamdyq kólik, taksı júrgizýshilerin tekserý kúsheıtiledi.
«Qaýipsiz jol» jedel-aldyn alý sharasynyń birinshi kúni jol qozǵalysy erejesin buzýdyń 1182 faktisi anyqtalyp, onyń 11-i mas kúıinde kólik júrgizgeni úshin ákimshilik jaýapkershilikke tartyldy. Sondaı-aq joldy belgilenbegen jerden qıyp ótken 76 jaıaý júrginshi de jazalandy. Al júrgizýshilerdiń 164-i jyldamdyqty shamadan tys asyrǵandyǵy, 50-i kólik basqaryp kele jatyp uıaly telefon qoldanǵany, 62-si qaýipsizdik beldigin taqpaǵany jáne 20-sy jol-kólik oqıǵasyna sebepker bolǵany úshin jaýapkershilikke tartyldy», - deıdi B.Sholanov.
