«Qaýipsiz jol» sharasynyń alǵashqy tórt kúninde 1,3 myńnan astam mas júrgizýshi ustalsa, onyń 15-i avtobýsty basqarǵan
ASTANA. Qazannyń 22-si. QazAqparat /Marlan Jıembaı/ - Respýblıkalyq «Qaýipsiz jol» jedel-aldyn alý sharasynyń alǵashqy tórt kúninde 1,3 myńnan astam mas júrgizýshi ustalsa, onyń 15-i avtobýsty basqarǵan.
Bul týraly búgin QR ІІM-inde ótken arnaıy baspasóz máslıhatynda Jol polıtsııasy komıtetiniń tóraǵasy Qaırat Tynybekov málim etti.
«Tórt kúnde jyldamdyq rejiminiń 8,8 myń ret buzylǵandyǵy anyqtaldy. Sondaı-aq 1,3 myńnan astam mas júrgizýshi ustalsa, onyń 15-i avtobýsty basqarǵan», - dedi Q.Tynybekov.
Onyń aıtýyna qaraǵanda, júrgizýshilerdiń qaýipsizdik beldigin qoldanýyna, uıaly telefondardy paıdalanýyna da qatysty baqylaý kúsheıtilgen. Jyl basynan bastap qaýipsizdik beldigin paıdalaný erejesin buzǵan 163 myń, kólik basqarý kezinde uıaly telefondy paıdalanǵan 57 myń quqyqbuzýshylyq anyqtalǵan.
«Ákimshilik jazalaý sharalary júrgizýshilerge ǵana qatysty emes. ıAǵnı jol qozǵalysy erejesin buzǵan 56 myń jaıaý júrginshige de aıyppul salyndy», - dedi ol.
