«Qaýipsiz jol» respýblıkalyq aldyn alý sharasy kezinde Astana boıynsha 7745 Jol júrý erejesin buzý oqıǵasy tirkeldi
ASTANA. 28 qazan. QazAqparat - «Qaýipsiz jol» respýblıkalyq aldyn alý sharasy kezinde Astana boıynsha 7745 Jol júrý erejesin buzý oqıǵasy tirkeldi. Bul týraly búgin ótken baspasóz máslıhatynda Ákimshilik polıtsııa basqarmasy basshysynyń orynbasary Baýyrjan Sholanov aıtty.
Onyń málimetinshe, Elorda joldarynda jol-kólik oqıǵalaryn azaıtý jáne jol júrý erejesin elemeıtin júrgizýshilerdi quryqtaý maqsatynda 21-27 qazan aralyǵynda elordalyq jol polıtsııasy «Qaýipsiz jol» respýblıkalyq aldyn alý sharasyn ótkizdi.
«Osyǵan oraı jol polıtsııasynyń jeke quramy kúsheıtilgen tártipte qyzmet atqardy, sonymen birge jol qozǵalysyn qadaǵalaý úshin Astana qalasy ІІD ákimshilik polıtsııa basqarmasynyń apparat jeke quramy qatysty», - dep atap ótti B. Sholanov.
Onyń aıtýynsha, osy shara barysynda basyp ozý, manevr jasaý tártibin buzǵany úshin - 1032, jyldamdyq asyrǵany úshin - 450, qaýipsizdik beldigin taqpaǵany úshin - 620, uıaly telefonmen sóıleskeni úshin - 524, joldyń qarsy baǵytyna shyǵyp ketkeni úshin - 296, al kólikti mas kúıinde júrgizgeni úshin 84 júrgizýshi jaýapqa tartylǵan. Sonymen qatar, júris bóligin anyqtalmaǵan jerden kesip ótkeni úshin 966 jaıaý júrginshi quryqtaldy.
