«Qaýipsiz jol» is-sharasy barysynda júrgizýshi kýáliginen aıyrylǵan 841 adam anyqtaldy
«Jol-kólik oqıǵalaryn azaıtý, jol qozǵalysy erejelerin buzýdyń aldyn alý úshin 17 mamyrdan bastap elimizde «Qaýipsiz jol» aldyn alý is-sharasy ótkizilýde. Іs-shara barysynda qozǵalys qaýipsizdigi úshin avtojoldardyń apatty-qaýipti ýchaskeleri men jóndeý jumystary oryndary da qosymsha tekseriledi. Patrýldik polıtsııanyń maqsaty – jol kólik oqıǵalarynyń negizgi sebepteriniń aldyn alý», - dedi ol.
Onyń atap ótýinshe, jyldamdyq rejımin buzý, basyp ozý, manevr jasaý, qıylystar men jaıaý júrginshiler ótkelderinen ótý, mas kúıinde kólikti basqarý jáne taǵy basqa quqyq buzýshylyqtardy anyqtaý baǵytyndaǵy jumystar kúsheıtildi.
«Jol qozǵalysyn qadaǵalaý kezinde bir apta ishinde 49 myńǵa jýyq jol qozǵalysy erejelerin buzýdyń joly kesildi. Onyń ishinde kólikti mas kúıinde basqarǵany úshin júrgizýshi kýáliginen aıyrylǵan 841 júrgizýshi anyqtaldy. Polıtsııa jyldamdyqty asyrǵany úshin 7 myńnan astam júrgizýshini, qarama-qarsy qozǵalys jolaǵyna shyqqany úshin 300-den astam, apatty jaǵdaı jasaǵany úshin 600-den astam jáne baǵdarshamnyń tyıym salatyn belgisine ótkeni úshin 1 143 júrgizýshini jaýapqa tartty», - dedi resmı ókil.
Sonymen qatar Nurdildá Orazdyń aıtýynsha, qoǵamdyq jolaýshylar kóligi júrgizýshileri jol bergen 776 ereje buzýshylyq anyqtaldy. Onyń 687-si zańsyz qaıta jabdyqtaý faktisi bolsa, 56-sy ereje buzýshylyq reıs aldyndaǵy tehnıkalyq tekserýden ótpegeni boıynsha tirkeldi. Avtojoldardyń 7 myń shaqyrymnan astam apatty-qaýipti ýchaskeleri tekserildi. Sondaı-aq 1 197 jol belgileri qoıyldy.