Qaýipsiz jol: Almatyda 233 jaıaý júrginshige aıyppul salyndy
Qaýipsiz jol sheńberinde polıtseıler qaladaǵy apat deńgeıine áser etetin jol qozǵalysy erejelerin óreskel buzýshylardy anyqtaýǵa jáne jolyn kesýge baǵyttalǵan aldyn alý sharasyn ótkizedi.
«17 mamyr men 16 maýsym aralyǵynda júrgizýshiler arasyndaǵy kóliktik tártipti jaqsartý jáne jol-kólik oqıǵalarynyń sanyn azaıtý, sondaı-aq jol erejelerin buzýdyń aldyn alý maqsatynda ishki ister organdarynyń barlyq jumys baǵyttary boıynsha basqa memlekettik organdarmen birlesip keń sharalardy qabyldaıdy. Polıtsııa qyzmetkerleri jol qozǵalysyn qadaǵalaýdy kúsheıtti. Eń basty mindet jol erejelerin buzýdyń aldyn alý, ásirese jyldamdyqty asyrý jáne qarama-qarsy qozǵalys jolaǵyna shyǵý. Sondaı-aq, júk kólikteri men mototsıklderge erekshe nazar aýdarylady», – dedi Almaty qalalyq PD ákimshilik polıtsııa basqarmasynyń bastyǵy Jandos Muratálıev.
Onyń aıtýynsha, qalada úsh kún ishinde 1252 jol qozǵalysy erejesin buzý anyqtaldy.
«Atap aıtar bolsaq, zańsyz qaıta jabdyqtaý – 21; júrgizýshiniń telefondy qoldanýy – 201; qaýipsizdik beldikteriniń paıdalaný erejelerin buzý – 277; tyıym salynǵan baǵdarshamnyń dabylyna ótý – 24; qozǵalysta jaıaý júrginshilerge basymdyq bermeý – 69; apattyq jaǵdaıdyń týyndaýyna ákelip soqtyrǵan jol qozǵalysy paıdalanýshylarynyń jol qozǵalysy erejelerin buzýy – 83; mas kúıinde kólik quralyn basqarý – 16. Sonymen qatar, 233 jaıaý júrginshige aıyppul salyndy. 173 avtokólik arnaıy aıyppul turaǵyna qoıyldy»,-deıdi polıtsııa ókili.