Qaýipsiz jol: Aqtóbe oblysynda bir táýlikte jol erejesin buzýdyń 512 faktisi anyqtaldy
AQTÓBE. QazAqparat - Aqtóbe oblysynda bir táýlikte jol erejesin buzýdyń 512 faktisi anyqtaldy, dep habarlaıdy QazAqparat Aqtóbe oblysy Polıtsııa departamentiniń baspasóz málimetterine silteme jasap.
Baspasóz qyzmeti taratqan aqparattarǵa qaraǵanda, Aqtóbe oblysynyń aýmaǵynda jolda júrý tártibin buzýshylardy anyqtaýǵa baǵyttalǵan «Qaýipsiz jol» jedel aldyn alý sharasy ótip jatyr. Іs-shara 13-16 qańtar aralyǵynda ótedi. Aldyn alý is-sharasynyń alǵashqy kúninde oblysta jol erejesin buzýdyń 512 faktisi anyqtalǵan.
«Jolda júrý erejesin buzǵany úshin 70 júrgizýshi ákimshilik jaýapqa tartyldy, mas kúıinde kólik basqarýdyń 8 faktisi, joldyń qarsy betine shyǵyp ketýdiń 5 faktisi anyqtalyp, jaıaý júrginshilerge jol bermegen 20 júrgizýshi ákimshilik jaýapqa tartyldy. Jol qozǵalysy erejelerin buzǵany úshin 82 jaıaý júrginshi ákimshilik jaýapqa tartylyp, baǵdarshamnyń tyıym salynǵan belgisine ótip ketýdiń 9 faktisi anyqtaldy.
Aqtóbe oblysynyń Polıtsııa departamenti júrgizýshilerden jyldamdyq rejımin, qashyqtyqty saqtaýdy, múmkindiginshe alys jolǵa shyǵýdy shekteýdi, aýa raıynyń ózgerýi týraly eskertýlerdi qadaǵalaýǵa shaqyrady.
