«Qaýipsiz parom» respýblıkalyq aktsııasynyń qorytyndysy shyǵaryldy
ASTANA. Sáýirdiń 27-si. QazAqparat - QR Kólik jáne kommýnıkatsııa mınıstrliginiń Kóliktik baqylaý komıteti adamdardyń ómiri men densaýlyǵyna qaýip tóndiretin buzýshylyqtary bar paromdar men qalqymaly ótkelderdiń paıdalanylýyna jol bermeý maqsatynda «Qaýipsiz parom» atty eki aptalyq aktsııa ótkizdi,
dep habarlaıdy QazAqparat.
Atalmysh vedomstvo baspasóz qyzmetiniń dáreginshe, qazirgi kezde respýblıka boıynsha 40 paromdyq jáne qalqymaly ótkelder tirkelgen. Aktsııa barysynda 19 parom jáne 15 qalqymaly ótkel tekserildi. Tekserý nátıjesinde 11 paromdyq jáne 5 qalqymaly ótkelder tehnıkalyq jaramsyz jaǵdaıda dep tanylyp, olardy paıdalanýǵa tyıym salyndy. Qaýipsizdik talaptaryn buzýshylyqty joıý jóninde 17 nusqama berildi jáne 42 390 teńge somasynda aıyppul salyndy.
Shyǵys Qazaqstan oblysynda navıgatsııa ashylmaǵandyqtan, «Qaýipsiz parom» aktsııasyn kórsetilgen óńirde ótkizý navıgatsııa ashylǵannan keıin júzege asyrylady. Navıgatsııanyń ashylýy keme júzetin sý joldarynyń ýchaskelerine baılanysty aǵymdaǵy jyldyń 4 - 21 mamyr aralyǵynda josparlanyp otyr.
«Qaýipsiz parom» respýblıkalyq aktsııasy 2010 jylǵy 8 sáýirde Astana qalasynda Kóliktik baqylaý komıtetiniń «2010 jylǵy navıgatsııada keme qatynasy qaýipsizdigin qamtamasyz etý» taqyrybynda respýblıkalyq memlekettik qazynalyq sý joldary kásiporyndary, «Keme qatynasy tirkelimi» memlekettik mekemesi, óńiraralyq kóliktik baqylaý ınspektsııalary basshylarynyń jáne QR Tótenshe jaǵdaılar mınıstrligi men QR aýyl sharýashylyǵy mınıstrligi balyq sharýashylyǵy komıteti ókilderiniń qatysýymen ótken keńeıtilgen keńesinde jarııalandy.
Sonymen birge, navıgatsııanyń ashylýymen óńirlerde «Keme qatynaıtyn kópir» respýblıkalyq aktsııasy bastaldy.
Aktsııanyń maqsaty kópir jáne ishki sý joldaryndaǵy ózge de gıdrotehnıkalyq qurylys ıeleriniń kemeler jaqyndaǵan kezde olardyń kedergisiz jáne qaýipsiz ótýin qamtamasyz etý, arna tabanyn tazalaý jáne tereńdetý jumystaryn ótkizý boıynsha mindetterdi, sonymen birge «Іshki sý kóligi týraly» Qazaqstan Respýblıkasynyń zańynda kózdelgen ózge de talaptardy saqtaýyna baqylaýdy júzege asyrý bolyp tabylady. «Keme qatynaıtyn kópir» aktsııasynyń qorytyndysy aǵymdaǵy jyldyń 1 maýsymynda shyǵarylady.
Qazirgi kezde Kóliktik baqylaý komıteti Flottaǵy apattylyqtyń aldyn alýdyń 2010 jylǵa arnalǵan is-sharalar josparyn júzege asyrý boıynsha jumys júrgizýde.
