«Qaýipsiz qala» sharasy qolǵa alynǵan eki kúnniń ishinde 15,6 myń jolda júrý erejesin buzý áreketi anyqtaldy
ASTANA. Maýsymnyń 16-sy. QazAqparat /Aıdar Ospanalıev/ - Іshki ister mınıstrligi maýsymnyń 14-nen bastap, jol qaýipsizdigin qamtamasyz etýge baǵyttalǵan «Qaýipsiz qala» saýyqtyrý sharasynyń 2-shi kezeńin bastady,
dep habarlaıdy QazAqparat.
Іshki ister mınıstrliginiń Jol polıtsııasy komıtetiniń tóraǵasy Qaırat Tynybekovtyń aıtýynsha, aktsııa júzege asyryla bastaǵan ýaqytta oblys ortalyqtary men iri qalalarda kezekshiliktegi polıtsııa qyzmetkerleriniń sany artady. «Atalmysh sharalar barysynda kólikti mas kúıinde júrgizý jáne jol qaýipsizdigine baılanysty ózge de óreskel ereje buzý áreketteri nazarǵa alynady. Atalmysh shara qolǵa alynǵan eki kúnniń ishinde 15,6 myń jolda júrý erejesin buzý áreketi anyqtaldy. Olardyń arasynda 3 myń 712 áreket jyldamdyqty shekten tys arttyrýǵa, 323 áreket qarsy baǵyttaǵy jolǵa shyǵý, 164-i apatty jaǵdaı týdyrýǵa, 523-i kólikti mas kúıinde júrgizýge qatysty bolyp otyr», dedi komıtet tóraǵasy.
