«Qaýipsiz qala» is-sharasy aıasynda 37 myń adam ákimshilik jaýapkershilikke tartyldy
ASTANA. Qazannyń 13-i. QazAqparat /Arman Asqarov/ - Elimizde qazannyń 4-i men 8-i aralyǵynda ótkizilgen «Qaýipsiz qala» aldyn alý is-sharasy barysynda 37 myń adam ákimshilik jaýapkershilikke tartyldy. Bul týraly búgingi baspasóz máslıhatynda QR Іshki ister mınıstrligi Ákimshilik polıtsııa komıteti tóraǵasynyń orynbasary Igor Lepeha málim etti.
Onyń málimeti boıynsha profılaktıkalyq esepke 5,5 myń adam alynyp, 37 myńnan astamy ákimshilik jaýpkershilikke tartyldy. Olardyń ishinde turmystyq jaǵdaıda quqyq buzǵan, kámeletke tolmaǵan balalardy tábıeleý mindetterin oryndamaǵan, kámeletke tolmaǵandy mas kúıine deıin jetkizgen, kámeletke tolmaǵandardy túngi ýaqytta oıyn-saýyq mekemelerinde bolýyna jol bergen tártip buzýshylar bar. «Sondaı-aq izdeýde júrgen 80-nen astam qylmysker jáne habar-osharsyz joǵalǵan57 azamat anyqtaldy.Oqý oryndarynda bopsalaýmen aınalysqan 16 adam quryqtaldy», - dep atap kórsetti I.Lepeha.
