Qaýesetterge pikir bildirgim kelmeıdi - Sergeı Lavrov

ASTANA. QazAqparat - RF Syrtqy ister mınıstri Sergeı Lavrov Irannyń ıadrolyq baǵdarlamasyna qatysty kelisimnen AQSh prezıdenti Donald Tramptyń shyqqysy keletini týraly BAQ-tyń málimetine qatysty oıyn bildirdi, dep habarlaıdy «QazAqparat» HAA tilshisi.

«Men sybystarǵa pikir bildirgim kelmeıdi. BAQ-tyń pikirimen úshin qurmetti, dese de bul tek qana boljam ǵana. Biz Aq úıden prezıdentTramptyń AQSh-tyń Irannyń ıadrolyq baǵdarlamasyn retteý týrasyndaǵy kelissózderge aralasý nıeti baryn estip jatamyz. Biz bul kelisim shynynda da, halyqaralyq qoǵamdastyqtyń qol jetkizgen eń mańyzdy jetistikteriniń biri degen oıdamyz. Kelisimniń júzege asýy ıadrolyq qarýlardyń taralyp ketpeý tártibine úlesin qosar degen úmittemiz», - deıdi RF SІM basshysy.

Lavrov sonymen qatar, Irannyń ıadrolyq baǵdarlamasyna AQSh-tyń aralasýyn mańyzdy faktor ekenin málim etti.

«Halyqaralyq qoǵamdastyqtar men eýropalyq elderdiń baılanystary jumystyń nátıjesiz aıaqtalmaıtynyn kórsetip otyr. AQSh prezıdentiniń sońǵy sheshimi tarazylanǵan ári búgingi kúnniń talabyna saı bolady degen úmit bar», - deıdi ol.     

Eske sala ketsek, Iran men Ulybrıtanııa, Germanııa, Qytaı,Reseı, AQSh pen Frantsııa elderi 2015 jyldyń 14 shildesinde kóp jyl boıy daýdyń ózegi bolyp kele jatqan ırandyq atomǵa qatysty tarıhı kelisimge kelgen bolatyn.

Kelisim boıynsha áreketterdiń birlesken jospary qabyldanǵan. Ol jospar iskeasqan jaǵdaıda osy ýaqytqa deıin BUU, AQSh pen Eýroodaq tarapynan Iranǵa salynǵan qarjylyq jáne ekonomıkalyq sanktsııalar kúshin joımaq. Buǵan deıin amerıkalyq BAQ Tramptyń kelisimnen shyqqysy keletini týraly jazǵan bolatyn. Al qalǵan bestiktiń bári kelisimge bir aýyzdan qoldap otyr.