Káýaphanalar aptasyna bir KamAZ sekseýil jaǵady – ekolog Tımýr Eleýsizov
ALMATY. QazAqparat – 5 - maýsym búkilálemdik ekologtar jáne qorshaǵan ortany qorǵaý kúni. Osy mereke qarsańynda qorshaǵan ortany qorǵap, ekologııanyń búlinbeýin qadaǵalap júrgen eko-ambassador, eko-patrýl negizin qalaýshy Tımýr Eleýsizov óz oıymen bólisti, dep habarlaıdy QazAqparat tilshisi.
Tımýr Eleýsizov ekologııalyq problemalardy sheshýmen aınalysady. Qazir ol Qazaqstan kásiporyndary men qaýymdastyǵynyń «Tabıǵat» ekologııalyq odaǵy tóraǵasynyń orynbasary jáne Almatydaǵy eko-ambassador.
Onyń aıtýynsha, qazir ýaqytta ambassadordyń strategııasy ázirlendi.
«Ambassador – bul salystyrmaly túrde aıtsaq, memlekettik organdar men adamdar arasyndaǵy kópir. Biz osy salaǵa óz erkimizben kelgen, izgi nıetti elshilermiz. ıAǵnı, ıdeıalarymyz ben oılarymyzdy bılikke jetkizip, ony júzege asyrýǵa múmkindik týdy»,– deıdi Tımýr Eleýsizov.
Tımýrdyń aıtýynsha, ol únemi ákesiniń kóleńkesinde qalyp otyrǵan. Aıta keteıik onyń ákesi - eldegi eń tanymal ekologtardyń biri, Mels Eleýsizov ol uzaq ýaqyt boıy ekologııalyq máselelermen aınalysyp keledi.
«Men únemi izdenis ústinde boldym, uzaq ýaqyt boıy maǵan ne kerek ekenin zerttedim. Jasyratyny joq, únemi ákemniń kóleńkesinde qalyp qoıatynmyn. Bir sátte tabıǵatty qorǵaý, oǵan janashyrlyq tanytý meniń mindetim ekenin túsindim. Osy arqyly men eń aldymen balalarymnyń bolashaǵyna áser ete alamyn, eger bizdiń ekologııamyz jaqsy bolsa, onda bizdiń balalarymyzdyń deni saý bolady»,– deıdi ol.
Ekobelsendiniń negizgi mamandyǵy zańger. Sondyqtan ol ekologııa qatysty zańbuzýshylyqtardy jaqsy biledi.
«Men zańgermin. Ekologııa salasyna kóptegen zańsyzdyqty kórgendikten keldim. Ártúrli is-sharalarǵa qatysyp júrip, bul aspektini zańnama arqyly kúsheıtý kerektigin túsindim, sol sebepti de eko-patrýl qoǵamdyq qozǵalysyn qurdym. Jumysymyz nátıjıe bere bastady. Mysaly, taýdaǵy qara topyraqty zańsyz alýshylardyń jolyn kestik, aǵashtardy jappaı kesý azaıdy. Aǵashtardy zańsyz otaǵandardy taýyp, olardy ákimishilk jaýapqa tartamyz»,– dedi spıker.
Sondaı–aq, ol Alataý aýdanynda qaraǵaı otyrǵyzý aktsııasyn uıymdastyrǵany týraly aıtyp berdi.
«Bul aktsııany qańtar aıynda uıymdastyrdyq. Azamattarymyz óz atynan aǵash otyrǵyzýǵa múmkindik aldy. Kóptegen kompanııa atsalysty. Aǵash kóshetterin adamdar ózderi satyp alady, biz uıymdastyramyz, olar otyrǵyzady. Qazir ákimdik osy jerdi abattandyryp qaraǵaı skverin jasaýdy qolǵa aldy. Almaty ákiminiń qoldaýymen Almatyǵa mıllıon aǵash otyrǵyzý tujyrymdamasy ázirlengen bolatyn. «Shetsiz qala» qaǵıdaty boıynsha aǵashtar qalanyń tómengi bóligine otyrǵyzylady. Sebebi, bul aýdandar da saıabaqtar men alańdar joq. Qaraǵaı ormanyn qurý ıdeıasy paıda boldy, ol mádenı ortalyq bolady, onda is-sharalar ótedi»,–deıdi eko-patrýl negizin qalaýshy.
Onyń aıtýynsha, karatın kezinde Almaty aýasy aıtarlyqtaı jaqsarǵan.
«Meniń oıymsha, aýa jaqsardy, biraq bul qysqa merzimdik áser. Óıtkeni, zııandy qaldyqtar bólip shyǵaratyn kásiporyndardyń jumysy toqtady. Sonymen qatar, avtomobılder aǵyny azaıdy. Karantın kezinde aýany jalǵyz JEO lastady»,– deıdi ol.
Aıta keteıik, Tımýr Eleýsizov Almatynyń ekologııalyq jaǵdaıyn jaqsartý úshin kóptegen jobalar men usynystar daıyndady.
«Kóp usynystar ázirledim. Birinshisi – elektr qýatymen júretin jáne gıbrıdti kólikti damytý. Bul usynystar ákimdikke de, ekologııa mınıstrligine de joldandy. Sondaı–aq, káýap pisiretinderdi arnaıy súzgi qondyrǵylaryn ornatýǵa májbúrleý kerek, óıtkeni olar da aýany lastaýshylardyń biri. Aǵashtardy kesetinder de osylar. Statıstıkaǵa júginsek, bir káýaphana bir aptada bir KamAZ sekseýildi nemese basqa aǵash túrin jaǵyp jiberedi «,– deıdi Tımýr Eleýsizov.
Sóz sońynda, ol aldaǵy josparlarymen bólisti.
«Biz memlekettik organdarmen birlesip eko-patrýl qoǵamdyq baqylaýyn iske qosýdy josparlap otyrmyz. Sondaı–aq, jazdyń sońynda eko-festıval uıymdastyramyz»,– dep qortyndylady ol.
