Káýap ısine tunshyqqan Almaty turǵyndary ákimge shaǵymdandy

ALMATY. KAZINFORM – Erbolat Dosaev Bostandyq aýdany turǵyndarymen kezdesý barysynda almatylyqtyń kásipkerge qatysty shaǵymyna jaýap berdi.

«Men Toraıǵyrov kóshesinde ornalasqan káýaphanadan 500 metr qashyqtyqta ornalasqan úıde turamyn, bólmemniń terezesin ashý múmkin emes. Sebebi, káýaphanadan shyqqan tútin ıisi shyǵady. Ótinemin, qandaı da bir shara qoldanyńyzshy», - dedi aýdan turǵynynyń biri.

Shahar basshysy osyndaı shaǵymnyń basqa aýdandardan da túskenin, qazir qala boıynsha tekseris júrgizilip jatqanyn jetkizdi.

«Árbir tekseristen buryn fakti Quqyqtyq statıstıka komıtetinde tirkeledi, ol jerde kásipkerlerge artyq qysym jasap jatqan joqpyz ba, sol muqııat qaralady. Ótken joly osy máseleni Ulttyq ekonomıka mınıstrligi men Saýda jáne ıntegratsııa mınıstrligine usynǵanymdy aıtqan bolatynmyn. Usynys qabyldanǵannan keıin máseleni júıeli túrde sheshemiz dep úmittenemin. Qajetti jumystardy júrgizemiz», – dedi Erbolat Dosaev.

Sondaı-aq, qala basshysy kásipkerlik basqarmasyna, aýdan ákimdigine, sanıtarlyq-epıdemıologııalyq baqylaý departamentine osy máseleni baqylaýǵa alýdy tapsyrdy.

«Zań talaptaryna sáıkes keletin jaqsy súzgilerdi ornatý kerek, osy boıynsha kásipkermen sóılesińizder, eger ornatpasa, tıisti sharalar qabyldańyzdar», – dedi qala ákimi.

Qala basshysy bıznestiń kásipkerlik Kodekspen qorǵalǵanyn jáne máseleni sheshý úshin normatıvtik-quqyqtyq aktilerge ózgerister engizý qajet ekenin tilge tıek etti.

«Qala prokýratýrasyn obektıvti tekseris júrgizýge shaqyramyn, belgilengen normalar men erejelerdiń saqtalmaǵanyn jáne negizgi talaptardyń oryndalmaı jatqanyn kórip, sonyń negizinde sheshim qabyldaýǵa bolady, barlyǵy zańdy túrde bolýy kerek», – dedi Erbolat Dosaev.