Qatyrma qaǵazdaǵy taǵamdar densaýlyqqa qaýipti me?
ASTANA. QazAqparat - Qatyrma qaǵazdaǵy (karton) taǵamdardy jıi qoldaný - densaýlyqqa qaýipti. Bul týraly Shveıtsarııa ǵalymdary habarlap otyr, jazdy massaget.kz portaly.
Shveıtsarııalyq ǵalymdardyń aıtýy boıynsha, qatyrma qaǵazdar eski paraqtar men túrli tústi mıneraldy maılardyń qosyndysynan jasalady. Al mundaı qosyndylar taǵamdyq ónimdi «ýlaıtyn» kórinedi. Sondyqtan da qatyrma qaǵazdaǵy jarma, kúrish, un men makaron ónimderin jıi qoldanýdan saq bolýdy eskertip otyr. Sebebi, qatyrma qaǵazdaǵy mundaı taǵamdar adamdardy qaýipti isik pen ishki aǵzanyń buzylýy sekildi dertterge shaldyqtyrýy múmkin.
Qazirgi tańda Eýropada taǵamdyq ónimderdi býyp-túıýsiz (bez ýpakovkı) satý keń tarap keledi. Frantsııada ónimderin dál osylaı satatyn 500-ge jýyq dúken bar. Danııada da osyndaı dúkender ashylýda. Adamdar ózderiniń qutylaryn ákelip, qajetti taǵamdaryn qajetinshe satyp alady. Ǵalymdar osy ádisti densaýlyqqa paıdaly sanap otyr.
