Qatygez áke óz balasyn vıdeo oıyn úshin óltirdi
ASTANA.QazAqparat - Vıdeo oıynǵa berilip ketken er adam ózine bóget jasaǵan ulyn óltirip tyndy. Amerıkanyń Florıda shtatynda 31 jastaǵy Djeıms Dırman oıyn oınaýǵa bóget jasaǵan alty jasar ulyn jazalamaq bolyp, ólitirip aldy, dep habarlaıdy sheteldik BAQ.
Kúdiktiniń qurbysy polıtsııaǵa habarlaǵandaı, oıyn oınap otyrǵan er adam óziniń eki ulyn uıyqtaýǵa jiberedi. Alaıda olar shýlaı berdi. Sol kezde ákesi balalaryn jazalamaq bolyp, teris qaratyp turǵyzyp qoıady. Kishi balasynyń syǵalap qarap turǵanyn kórip qalǵan er adam ashýǵa beriledi.
Balasyn dıvanǵa jatqyzyp, betine jastyq qoıyp, ózi ústine otyryp alady da, oıynyn jalǵastyra beredi. Balasynyń jan ushyryp aıqaılaǵan daýsyna mán bermeıdi. Nátıjesinde, bala aýa jetpeı tunshyǵyp qalyp, jan tapsyrady. Oqıǵa ekinshi uldyń kóz aldynda bolady.
Balanyń demalmaı qalǵanyn kórgen kezde olar qutqarý qyzmetine habarlasady. Alaıda bul kezde bala jan tapsyryp úlgergen edi. Polıtsııa atalǵan oqıǵaǵa qatysty qylmystyq is qozǵady. Qatygez áke qamaýǵa alyndy.
