Qatty jyldamdyqtaǵy kólik burylǵan kezde júksalǵyshtaǵy balalar túsip qaldy
ASTANA.QazAqparat - Sochıde qatty jyldamdyqpen ketip bara jatqan avtokólik júksalǵyshynan kishkentaı qyzdyń qulap ketken sáti vıdeotirkegishke túsip qalǵan.
Oqıǵa vıdeosy YouTube arnasynda jarııalandy.
Vıdeodan balanyń ashylyp qalǵan kólikten qalaı qulaǵanyn, ornynavn kóterilip jylap turǵanyn, al avtokóliktiń ketip qalǵanyn kórýge bolady. Onyń izimen kele jatqan avtomobılden shyqqan er adam men áıel balaǵa kómekke umtyldy.
Aldyn ala derek boıynsha, Volvo avtokóligin júrgizgen 39 jasar Sochı turǵyny balalaryn kóliktiń júk salatyn bóligine otyrǵyzǵan. Ázirge anyqtala qoımaǵan sebeppen kóliktiń artqy esigi ashylyp ketip, balalar jolǵa qulaǵan. Úsh jastaǵy qyz jaraqat alyp, aýrýhanaǵa jetkizildi. Al ul balaǵa eshqandaı zaqym kelmegen.
Áıelge qatysty «Adamdardy tasymaldaý erejesin buzý» baby boıynsha hattama toltyryldy.
