Qatty jyldamdyqpen kele jatqan kólik qorshaýǵa soǵyldy - SQO
PETROPAVL. QazAqparat – Soltústik Qazaqstan oblysynda qatty jyldamdyqpen kele jatqan kólik júrgizýshisi rýlge ıe bola almaı, jol jıegindegi qorshaýǵa soǵyldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, jol-kólik oqıǵasy keshe saǵat 18.00 shamasynda bolǵan. Petropavlǵa kireberis Qojabergen Jyraý kóshesinde Lexus avtokóligine mingen júrgizýshi rýlge ıe bola almaı, jol boıyndaǵy qorshaýǵa soǵylǵan. 28 jastaǵy jigit
aýa raıynyń qolaısyzdyǵyna qaramastan, jyldamdyqty asyrǵan. Saldarynan mashınaǵa aıtarlyqtaı zaqym keldi. Zardap shekkender joq.
Tekserý barysynda kólik júrgizýshisiniń spırttik ishimdik ishpegeni rastaldy.
«Jol-kólik oqıǵasyna baılanysty Ákimshilik kodekstiń «Kólik júrgizýshiniń jolda júrý erejesin buzý jáne kólik pen joldyń qorshaýyn jáne jol
boıyndaǵy basqa qurylystardy zaqymdap, materıaldyq shyǵyn keltirý» baby boıynsha materıal jınaldy», - dedi baspasóz qyzmetindegiler.
