Qatty jel Şýchınskidegi «Burabay» jazýyn qulatty
KÓKShETAÝ. QazAqparat - Aqmola oblysy aýmaǵynda bolǵan qatty jel Şýchınsk qalasyndaǵy telemunaranyń ústine ornatylǵan «Burabay» jazýyn qulatty, dep habarlaıdy QazAqparat tilshisi.
Qazannyń 11-de oryn alǵan qatty jel AQSh-taǵy Gollıvýd jazýyna uqsatyp ornatylǵan «Burabay» jazýynyń 4 árpin qulatqan. Býrabaı aýdany ákimdiginiń málimeti boıynsha, jazý mindetti túrde qalpyna keltiriledi. Ázirge qalpyna keltirý jumystaryn kim jáne qashan qolǵa alatyny belgisiz.
Eske sala keteıik, «Burabay» jazýy aǵymdaǵy jyldyń shilde aıynda demeýshiler qarajaty esebinen Şýchınsk qalasynyń irgesindegi Býrabaı taýyna ornatylǵan bolatyn. Jazýdyń bıiktigi - 14 metr, al uzyndyǵy 60 metrdi quraıdy. Jazý túnde túrli túske boıanyp janyp turady.
