Qatty tartylǵan belbeý qaterli isik aýrýyna ákep soǵýy múmkin
ASTANA. 6 qazan QazAqparat - Belbeýdi qatty tartyp baılaǵandy unatatyn adamdardyń tamaq qaterli isigine shaldyǵý qaýpi joǵary, dep sanaıdy Glazgo men Stratklaıd ýnıversıtetteriniń zertteýshileri.
Shotlandııalyq sarapshylar qatty tartylǵan belbeý asqazan qyshqylynyń óńesh arqyly kóterilýine sebep bolyp, odan densaýlyqqa zııan kelýi múmkin dep otyr. Naqtyraq aıtqanda, óńeshtiń qaterli isikke shaldyǵý qaýpi zor. Glazgo men Stratklaıd ýnıversıtetteriniń zertteýshileri qaterli isiktiń bul túrimen artyq salmaǵy bar adamdar aýyratynyn anyqtady.
The Daily Record zertteýshilerdiń 24 erik bildirgen adammen jumys istegenin habarlady. Olardyń árqaısysyna tamaq ishkennen keıin jáne oǵan deıingi málimetterdi jınaıtyn qurylǵyny jutqyzyp, zertteý júrgizilgen. Ólsheý eki jaǵdaıda júrgizilgen: birinshisinde olar belbeý taǵylǵan shalbar kıse, ekinshisinde shalbarǵa belbeý taqpaǵan. Zertteýshiler qatysýshylardyń belbeýdi qatty tartyp baılaýynan olardyń kóbine qyjyldan zardap shegetinin anyqtaǵan. Ásirese bul artyq salmaq ıelerinde kezdesedi eken.
