Qatty paıdaly qazbalardy óndirýge lıtsenzııa alýdyń jańa formaty engiziledi

ASTANA. QazAqparat - Qatty paıdaly qazbalardy óndirýge lıtsenzııa alýdyń jańa formaty engiziledi. Engizilgen ózgeristerge sáıkes jer qoınaýyn paıdalanýshylardyń biryńǵaı platformasy «Minerals.gov.kz» arqyly qatty paıdaly qazbalardy óndirýge lıtsenzııaǵa ótinim berý, ony qaraý jáne lıtsenzııany alý protsesi avtomattandyryldy, dep habarlaıdy QR IIDM baspasóz qyzmeti.

Osylaısha, QR Indýstrııa jáne ınfraqurylymdyq damý mınıstriniń 2023 jylǵy 14 shildedegi № 517 buıryǵymen Qatty paıdaly qazbalardy óndirýge lıtsenzııalar berýge ótinishterdi berý jáne qaraý qaǵıdalaryna ózgerister engizildi.

Mınıstrlik ókilderiniń aıtýynsha, bul protsess adamı faktordy tolyǵymen joqqa shyǵarady. Áleýetti jer qoınaýyn paıdalanýshylar (ınvestorlar) suraý salynǵan ýchaske týraly ınfraqurylymnan bastap geologııalyq jáne geofızıkalyq esepterge deıingi tolyq aqparatyn alýyna múmkindigi bolady.

Aıta keteıik, «Minerals.gov.kz» - múddeli memlekettik organdar men vedomstvolardyń fýnktsııalaryn avtomattandyrýǵa múmkindik beretin, sondaı-aq barlaý jáne óndirý jumystaryn júzege asyrý úshin lıtsenzııalar alý boıynsha bıznes-protsesterdi jeńildetý jáne jedeldetýge baǵyttalǵan tsıfrlyq platforma bolyp tabylady.