Qatty ókinemin: Sottalýshy dáriger ıÝrıı Shýmkovtyń týystarynan keshirim surady
Kezekti sot otyrysynda aıyptalýshy bolǵan jaıdy baıandap berdi. Aıtýynsha, dárigerler eki jyl boıy ony LOR-dan gastroenterologqa jiberip, eshkim naqty dıagnoz qoıa almaǵan.
«Aldymen lor dárigerine bardym. Oǵan tamaǵymnyń qatty aýyratynyn aıttym. Dárigerler mende bári jaqsy ekenin aıtyp, asqazanym aýyrmasa da, gastroenterologqa jiberdi. Biraq olar menen gastroenterologtyń anyqtamasyn talap etti. Dárigerler meni osylaı eki jyl boıy sandaltty. Bar aqsham men kúshim emdelýge ketti. Men bárinen qatty sharshadym», – dedi sottalýshy.
Aıtýynsha, ol Shýmkovpen dárigerler jibergen soń tanysqan. Sodan keıin gastroenterologqa qarala bastaǵan.
Endoskopııalyq tekserýden keıin jaǵdaıy kúrt nasharlap ketken. Sottalýshy osy sátten bastap sý da, tamaq ta ishe almaı qalǵan. Eki aıda 30 keliden astam salmaq tastady.
Sonymen qatar, aıyptalýshy Germanııaǵa emdelýge barǵan, ol jerde neırohırýrgtardyń kómegi qajet ekenin bilgen.
Oǵan Qazaqstanda ota jasaldy. Biraq operatsııadan keıin de jaǵdaıy jaqsarmaǵan.
Sottalýshy Shýmkovty qorqytyp, odan shyndyqty bilgisi kelgenin málim etti.
«Myltyqty oqtap, Shýmkovtyń kóligine jaqyndadym. Qarýdy kóterip turyp, «Shyq, sóılesýimiz kerek» dedim. Shýmkov maǵan qarap, qolymen bir nárse izdeı bastady. Men onyń qolynan qara zatty baıqadym. Qolyndaǵysy qarý eken dep oılap, atyp jiberdim. Ol kólikten túskende taǵy bir márte attym»,- dedi sot barysynda aıyptalýshy
Sondaı-aq ol bolǵan oqıǵaǵa qatty ókinetinin aıtyp, Shýmkovtyń týystary men jaqyndarynan keshirim surady.
Aıtýynsha, dárigerdi óltirem dep oılamaǵan, tek qorqytqysy kelgen.
Buǵan deıin polıtsııa departamentiniń patrýl qyzmetkeri men taksı júrgizýshisinen jábirlenýshi retinde jaýap alynǵan bolatyn.
Eske salaıyq, byltyrǵy 4 sáýir kúni Almatyda dáriger emdelýshi patsıentiniń qolynan qaza tapty. Ony kúdikti ańshy myltyǵymen atyp tastaǵan.
Asa aýyr qylmys qalanyń Bostandyq aýdanynda bolǵan. Kúdikti qalada engizilgen arnaıy jospar barysynda Alataý aýdany aýmaǵynda ustaldy.
Keıin QR Densaýlyq saqtaý mınıstri Ajar Ǵınııat ıÝrıı Shýmkov pen patsıent arasynda qandaı da bir janjal bolmaǵanyn aıtty.
Foto: instagram.com/gastro.kz
