Qatty nóser saldarynan poıyz relsten shyǵyp ketti
ASTANA. QazAqparat - Qytaıda nóserli jańbyr jalǵasýda. Onyń saldarynan sý tasqyny, jar kóshkini sekildi apattar týyndaýda.
Tsınıýan qalasynda (Ońtústik Qytaı, Gýandýn provıntsııasy) beısenbide jer qabatynyń kóshýi saldarynan Nanchan-Gýanchjoý baǵytyndaǵy jolaýshylar poıyzy relsten shyǵyp ketti. Apat nátıjesinde bes jolaýshy zardap shekti, dep habarlaıdy sheteldik BAQ. Qazirgi ýaqytta osy magıstraldaǵy qozǵalys qalpyna keltirildi.
Al Tsınhaı provıntsııasynda (Soltústik-Shyǵys Qytaı) sý tasqynynan eki jumysshy ajal qushyp, taǵy úsheýi iz-tússiz joǵalǵandar sanatyna jatqyzyldy. Belgili bolǵandaı, Haıdýn qalasyndaǵy topan sý alty qurylysshyny aǵyzyp alyp ketken. Olardyń tek bireýin qutqaryp qalýǵa múmkin boldy.
