Qatty esinegen qytaılyqtyń ókpesi jyrtylyp ketti
ASTANA. 11 qańtar. QazAqparat - Qytaıdyń Ýhan qalasynyń turǵyny qatty esineımin dep ókpesiniń qalaı jyrtylyp ketkenin ańdamaı qaldy. 26 jastaǵy azamat mundaı halge dýshar bolǵanyn ortalyq qalalyq aýrýhanaǵa kelgennen keıin bir-aq bildi, dep habarlaıdy Vestı.rý.
Onyń atap ótýinshe, tátti uıqydan turǵannan keıin jumysqa barar aldynda kerilip turyp, esineýdi jón kórgen. Dál osy áreketinen keıin keýde tusynyń shanshyp ketkenine mán bermegen ol sanaýly sátterden keıin qatty aýyryp, tynys alýǵa da shamasy áreń jetken. Mine, osydan keıin ǵana dáriger shaqyrǵan.
Naýqasty rentgenge túsirgen dárigerler onyń ókpesiniń jyrtylyp ketkendigin anyqtaǵan.
Mundaı jaı túrli sebepter saldaryna oryn alady. Máselen, dárigerlerdiń paıymynsha, ýhandyq azamattyń ókpesiniń jyrtylyp ketýine dene bitimi basty faktor bolǵan. Onyń boıy - 1,8 metr, al salmaǵy - nebári 60 keli, ıaǵnı boıy men salmaǵy bir-birine saı emes.
