Qatty burshaqtan zaqymdanǵan ushaqtyń vıdeosy jarııalandy
ASTANA. QazAqparat - Ýkraındyq Atlasglobal-nyń ushqyshtary Ystanbulda qatty burshaqtan búlingen avıalaınerdi jerge aman-esen qondyrdy. Ushaqtyń aldyńǵy terezesi qatty búlingen, dep habarlaıdy avianews.com.
flightradar24 málimetinshe, atalǵan bort UH250 Harkov-Ystanbul reısinde jolaýshylardy tasymaldaǵan bolatyn.
Túriktiń avıatsııalyq Airporthaber basylymy, ushaqtyń 4000 fýt bıiktikte (1200 metr) daýylǵa tap bolyp, tumsyǵy men aldyńǵy áınekteriniń aıtarlyqtaı búlingendigi týraly jazylǵan. Osydan keıin ushqyshtar Ystanbulǵa keri qaıtýǵa sheshim qabyldaǵan.
«Ushaqtyń jerge aman-esen qonýy ushqyshtardyń tájirıbesiniń mol bolýy men salqynqandylyǵynyń arqasynda sátti aıaqtaldy», - dedi áýe kompanııasynyń ókilderi.
Ushaq jerge qonǵannan keıingi fotosýretterden A320-nyń tumsyǵy tutasymen synyp, aldyńǵy terezeleriniń syńǵanyn baıqaýǵa bolady.
