Qatty boranǵa baılanysty respýblıkalyq avtojolda kólik qozǵalysy shekteldi
ASTANA. 28 qańtar. QazAqparat - Qazaqstan óńirindegi respýblıkalyq avtojolda kólik qozǵalysy shekteldi. Bul týraly «Qazaqavtojol» RMK baspasóz qyzmeti habarlady.
Atap aıtqanda, búgin Astana ýaqytymen saǵat 11:00-de Atyraý oblysyndaǵy qatty boranǵa baılanysty «Dossar-Qulsary-Aqtaý» avtojolynyń 0-128 shaqyrymyndaǵy Dossar-Qulsary aralyǵynda kóliktiń barlyq túrlerine jolǵa shyǵýǵa tyıym salyndy.
Al elimizdiń ózge óńirlerindegi respýblıkalyq mańyzy bar joldarda kólik qozǵalysy qalypty rejımde júzege asyrylýda.
