Qatty boranǵa baılanysty birqatar respýblıkalyq mańyzy bar joldarda kólik qozǵalysy shekteldi - «Qazaqavtojol» RMK
ASTANA. 28 jeltoqsan. QazAqparat /Rýslan Ǵabbasov/ - Qatty boranǵa baılanysty birqatar respýblıkalyq mańyzy bar joldarda kólik qozǵalysy shekteldi.
«Qazaqavtojol» RMK baspasóz qyzmetiniń málimetine qaraǵanda, búgin saǵat 12:00 bastap Aqmola oblysy aýmaǵyndaǵy qatty borannyń saldarynan «Ekaterınbor-Almaty» avtojolynyń 1280-1353-shi shaqyrymynda barlyq avtokólikter úshin jolǵa shyǵýǵa tyıym salyndy. Atalǵan jol aralyǵy túste ashyldy.
Sonymen qatar búgin saǵat 12:30-da Qaraǵandy oblysy óńirindegi qatty boranǵa baılanysty «Almaty-Ekaterınbor» jolynyń 1425-1353-shi shaqyrymyndaǵy kólik qozǵalysy shekteldi. Bul respýblıkalyq mańyzy bar joldaǵy qozǵalys saǵat 14:30-dan bastap qalypty tártipke kóshirildi. Al saǵat 16:30-beri «Jazqazǵan-Esil-Petropavl» jolynyń 137-252-shi shaqyrymyndaǵy «Ulytaý-Arqalyq» ýchaskesinde de barlyq kólik túrleriniń qozǵalysyna tyıym salyndy.
Munymen qosa, Qostanaı oblysy aýmaǵyndaǵy qatty borynnyń saldarynan joldyń durys kórinbeýine baılanysty «Jezqazǵan-Petropavl» avtojolynyń 377-252-shi shaqyrymynda da kólik qozǵalysy saǵat 15:00-den bastap shekteldi.
