Qatty aıazǵa baılanysty birqatar óńirde eskertý jarııalandy

5-6 aqpanda Jambyl oblysynyń keı jerlerinde ońtústik-batystan soǵatyn jel soltústik-shyǵysqa aýysady, kúshi 15-20 m/s, 5 aqpan kúndiz, 6 aqpan túnde ekpini 23-28 m/s jetedi. 6 aqpanda túnde keı jerlerde qatty qar, burqasyn kútiledi. Keı jerlerde tuman, kóktaıǵaq kútiledi. 6-7 aqpan aralyǵynda aýa temperatýrasynyń oblystyń soltústik-shyǵysynda túnde 20-25 gradýs aıazǵa deıin tómendeýi kútiledi.

5 aqpanda kúndiz Túrkistan oblysynyń taýly aımaqtarynda qalyń qar jaýady. 5-6 aqpanda keı jerlerde tuman, kóktaıǵaq, burqasyn, soltústikten, soltústik-shyǵystan soǵatyn jeldiń kúshi 15-20 m/s, taý asýlarynda 23-28 m/s kútiledi. 6 aqpanda túnde aýa temperatýrasy 12-17, keı jerlerde 22-27 gradýsqa deıin tómendeıdi.

6 aqpanda Almaty oblysynyń keı jerlerinde qatty qar, tuman, kóktaıǵaq, burqasyn kútiledi. Soltústik-shyǵystan soǵatyn jel keı jerlerde 15-20 m/s, ekpini 23-28 m/s kútiledi. 6-7 aqpan aralyǵynda túnde aýa temperatýrasynyń 10-15, keı jerlerde 20-25 gradýs aıazdan 15-20, keı jerlerde 25-30 gradýs aıazǵa deıin tómendeýi kútiledi.

6 aqpanda túnde Qostanaı oblysynda aýa temperatýrasynyń 33-38 gradýs aıaz, keı jerlerde qatty aıaz 43 gradýsqa deıin tómendeýi kútiledi.

6 aqpanda túnde Qyzylorda oblysynda aýa temperatýrasynyń 18-23, keı jerlerde 28-33 gradýs aıazǵa deıin tómendeýi kútiledi.

6-7 aqpan aralyǵynda túnde Soltústik Qazaqstan, Aqmola, Pavlodar, Qaraǵandy oblystarynda qatty aıaz 37-42 gradýs, keı jerlerde óte qatty aıaz 45 gradýs kútiledi.

6 aqpanda Shyǵys Qazaqstan oblysynyń keı jerlerinde qatty qar jaýady, burqasyn soǵady. Soltústik-batystan soǵatyn jel 15-20 m/s, keı jerlerde ekpini 30 m/s jáne odan asyp ketýi yqtımal. 6-7 aqpan aralyǵynda túnde aýa temperatýrasynyń 23-28, keı jerlerde 33-38 gradýs aıazdan 37-42, keı jerlerde 45 gradýs aıaz bolýy yqtımal.

Eske sala ketsek, sınoptıkter 5-7 aqpanda soltústik óńirlerde aıaz kúsheıip, ońtústik óńirlerde de kún sýytady dep boljady.