Qatty aıazǵa baılanysty 13 óńirde trassalar jabyldy
ASTANA. QazAqparat – Qatty aıazǵa baılanysty 13 óńirde trassalar ishinara jabyldy, dep habarlaıdy QazAqparat QazAvtoJoldyń-ǵa silteme jasap.
«10 qańtar saǵat 21:45-tegi aqparatqa sáıkes elimizdiń 13 óńirinde qatty aıazǵa baılanysty respýblıkalyq mańyzy bar avtojoldardyń 52 ýchaskesinde qozǵalysqa ýaqytsha shekteý engizildi. Qozǵalys dızelmen júretin júk jáne qoǵamdyq kólikter úshin ǵana tyıym salyndy.
Bul shara respýblıkalyq mańyzy bar avtojoldarda shtattan tys jaǵdaılardy aldyn alýǵa múmkindik beredi. Ulttyq operator respýblıkalyq avtojoldardy paıdalanýshylar úshin 120-dan astam jylytý pýnktin daıyndady», - delingen kompanııa málimetinde.
Jol jumysshylary táýlik boıǵy kúsheıtilgen rejımge kóshirildi. Qazir qysqy kútip-ustaý jumystary, sonyń ishinde respýblıkalyq trassalarǵa qum-tuz qospasyn shashý úzdiksiz júrgizilip jatyr.
Qosymsha aqparat alý úshin QazAvtoJoldyń táýlik boıy jumys isteıtin call-ortalyǵyna «1403» nómiri boıynsha habarlasýǵa bolady.
Eske salaıyq, «Qazgıdromet» RMK 11 qańtarda birneshe óńirde aıaz kóteriletini týraly eskertý jarııalaǵan bolatyn. Jekelegen óńirde aýa temperatýrasy 41 gradýsqa deıin tómendeıdi.
