Qatty aıazdarǵa baılanysty eldiń 4 oblysynda respýblıkalyq joldar jabyldy - «Qazaqavtojol»
ASTANA. 18 jeltoqsan. QazAqparat - Aýa raıynyń qolaısyzdyǵyna baılanysty respýblıkalyq mańyzy bar birqatar avtojoldarda shekteýler engizildi.
Bul týraly «Qazavtojol» RMK-dan málim etti.
Atap aıtqanda, 18 jeltoqsan kúni saǵat 17.00-den bastap Almaty oblysynda aýa raıynyń buzylýyna baılanysty (Shyǵys Qazaqstan oblysynda aýa temperatýrasynyń tómendeýinen) «Almaty-Óskemen» avtojolynyń 558-615 shaqyrymy aralyǵyndaǵy «Rýbej beketi-Shyǵys Qazaqstan oblysynyń shekarasy» ýchaskesinde qoǵamdyq jáne dızeldi kólikter úshin qozǵalys jabyldy.
Sondaı-aq, Shyǵys Qazaqstan oblysynda saǵat 17.00-den bastap aýa temperatýrasynyń -40 gradýs jáne odan da tómen bolýyna baılanysty barlyq baǵyttar boıynsha qoǵamdyq jáne dızeldi kólikter úshin shekteýler engizildi. Sonymen qatar saǵat 17.00-den bastap qatty aıazdarǵa baılanysty «Omsk-Maıqapshaǵaı» avtojolynyń 587-733 shaqyrymy aralyǵynda kóliktiń barlyq túrleri úshin qozǵalysqa tyıym salyndy.
Qaraǵandy oblysynda saǵat 17.00-den bastap Pavlodar oblysynda temperatýranyń tómendeýine baılanysty «Qyzylorda-Pavlodar» kúre jolynyń 1069-1135 shaqyrymy kóliktiń barlyq túrleri úshin jabyq. Onymen birge, saǵat 19.00-den bastap aýa baǵamynyń tómendeýi sebepti Qaraǵandy oblysynan barlyq baǵyttar boıynsha shyǵatyn joldar qoǵamdyq, júk jáne dızeldi kólikter úshin jabyldy.
Pavlodar oblysynda -37-40 gradýs aıazdarǵa baılanysty saǵat 17.00-den bastap Pavlodar oblysynan shyǵatyn joldarmen avtokólikterdiń barlyq túrleri úshin qozǵalys shekteldi.
