Qatty aıazda adasqan 67 jastaǵy áıel qardan pana jasap, aman qalǵan
ASTANA. QazAqparat - Perm qalasynan kelgen týrıst áıel Chelıabi oblysynyń taýlarynda adasyp, dalada ot jaǵyp túnep shyqqan.
«Taganaı» ulttyq saıabaǵy baspasóz qyzmetiniń habarlaýynsha, ulttyq saıabaqqa Perm qalasynan bir top alpınıst sportshylar kelip, osyndaǵy shyńǵa shyqpaq boldy.
7 qańtar kúni tańerteń alpınıster toby shyńdy baǵyndyrýǵa attanady. Alaıda saıahattan oralǵannen keıin aralarynda bir týrıst áıel joq bolyp shyqqan. Alpınıster ózderiniń izdeý sharalary esh nátıje bermegen soń, qutqarýshylardan kómek suraǵan. 8 qańtardyń tańynda Zlatoýsovskıı izdeý-qutqarý jasaǵynyń qyzmetkerleri joǵalǵan týrıst áıeldi izdep tapty.
Týrıst áıel alpınıstik daǵdylarynyń arqasynda aman qalǵan. Adasyp ketkenin, al telefony men qalta shamy sónip qalǵanyn túsingen ol ózine qardan pana jasap, qaltasynda qalǵan shaqpaqpen mazdata ot jaǵyp jylynyp otyrǵan.
