Qatty aıaz: Qostanaı oblysynda oqýshylar búgin mektepke barmaıdy

QOSTANAI. QazAqparat – Qostanaı qalasy men oblystyń birqatar aýdandarynyń mektepteri qatty aıazǵa baılanysty qashyqtan oqytý formatyna aýystyryldy. Ekinshi aýysymda oflaın formatta tek joǵary synyp oqýshylary oqıdy, dep habarlaıdy QazAqparat.

Qalalyq bilim bóliminiń habarlaýynsha, tańerteń oblys ortalyǵynda aýa raıynyń temperatýrasy -30 gradýsqa deıin tómen tústi.

Osyǵan baılanysty Qostanaıda birinshi aýysymda oqıtyn barlyq synyptar qashyqtan oqytý formatyna aýystyrylǵan.

Budan keıin qalalyq bilim bólimi mektepterdegi ekinshi aýysymda oqıtyn oqýshylar úshin aqparat taratty.

«29 jeltoqsanda aýanyń temperatýrasy -29 gradýs. Qostanaı qalasy mektepterindegi ekinshi aýysymnyń 0-9 synyptary qashyqtan oqytý formatyna aýystyrylady», - dep habarlady vedomstvodan.

Bilim bóliminiń aqparatynsha, búgin qatty aıazǵa baılanysty birinshi aýysymda oqıtyn kolledj stýdentteri de qashyqtan oqıdy.