Qatty jeldiń saldarynan bes adam Kaspııge batyp kete jazdady

AQTAÝ. KAZINFORM – Kaspıı teńizinde qatty jel saldarynan jaǵalaýdan alystap ketken bes adamdy Tótenshe jaǵdaılar mınıstrliginiń mamandary aman-esen qutqaryp qaldy.

Oqıǵa Aqtaý qalasyndaǵy «Brız» ıahta-klýby mańynda úgit-nasıhat jáne profılaktıkalyq is-sharalar ótkizý kezinde bolǵan. SUP-taqtamen serýendep júrgen bes adam qatty jelge tap bolyp, 2,5 shaqyrym qashyqtyqta ashyq teńizge shyǵyp ketken. Ózdiginen jaǵaǵa orala almaǵan demalýshylarǵa Jedel-qutqarý jasaǵynyń qyzmetkerleri kómekke kelgen.

- Qutqarýshylardyń jedel áreketiniń arqasynda bes adam jaǵaǵa din aman jetkizildi. Eshqaısysyna medıtsınalyq kómek qajet bolmady, - dep jazdy TJM baspasóz qyzmetinen.

Tótenshe jaǵdaılar mınıstrligi azamattardy jeldi jáne daýyldy kúnderi sýǵa shyqqanda abaı bolýǵa, mindetti túrde qutqarý keýdeshelerin kııýge jáne aýa raıyn muqııat baǵalaýǵa shaqyrady.

Aıta keteıik, Atyraý balyqshylary Kaspıı teńizinen alyp bekire aýlaǵan.