Qatty jelden keıin Qyzylordanyń biraz bóligi jaryqsyz qaldy
QYZYLORDA. KAZINFORM – Aýa raıynyń qolaısyzdyǵy men qatty jel saldarynan Qyzylorda qalasynyń birqatar aýmaǵynda elektr jelilerine zaqym kelip, jaryq óshti.
- Qatty jelden taldar synyp, qala aýmaǵynyń jekelegen bólikterinde (Saıahat, Sáýlet, eski Ippodrom, SPMK-70, Syrdarııa, Araı móltek aýdandary) elektr energııasynyń berilýi ýaqytsha toqtady. Bas toǵan, Araı, Sabalaq jáne KNS nysandarynda elektr energııasynyń óshýine baılanysty sorǵy qondyrǵylarynyń jumysy da ýaqytsha úzildi. Qazirgi tańda daýyl saldarynan bolǵan aqaýdy joıý jáne qalpyna keltirý maqsatynda arnaıy brıgadalar qalpyna keltirý jumystaryn júrgizip jatyr, - delingen qala ákimdiginiń málimdemesinde.
Qyzylorda elektr taratý toraptary kompanııasy bul jumysqa 10 jedel brıgada, 10 arnaıy tehnıka, 5 aýyr tehnıka jáne 55 qyzmetker tartylǵanyn málimdedi.
- Mamandar elektr jelilerine qulaǵan shatyrlardy, taldar men kóshe jaryqtandyrý tirekterin alyp tastap, zaqymdanǵan elektr jelileri men baǵanalaryn qalpyna keltirý jumystaryn qolǵa aldy. Elektr energııasy barlyq aqaýlar tolyq joıylyp, jelilerdiń qaýipsizdigi qamtamasyz etilgennen keıin kezeń-kezeńimen qaıta qosylady. Ýaqytsha qolaısyzdyqtar úshin keshirim suraımyz jáne túsinistik tanytqandaryńyzǵa alǵys bildiremiz, - delingen habarlamada.
Jaǵdaı jergilikti bıliktiń tikeleı baqylaýynda.
Al buǵan deıin Almatyda birneshe turǵyn úıdiń turǵyndary narazylyq bildirip, kóshege shyqty.
