Qatty jelden elordanyń birneshe aýdany jaryqsyz qaldy

ASTANA. KAZINFORM – Aýa raıynyń qolaısyzdyǵyna baılanysty elorda turǵyndarynan jaryqpen qamtýǵa qatysty ótinimder kelip túsip jatyr. Bul týraly «Astana-AEK» AQ-nyń habarlamasynda aıtylǵan. 

«Qazir apattyq qyzmet mamandary Saryarqa jáne Almaty aýdanynda 10 kV jaryq jelilerin qalpyna keltirý jumystaryn júrgizip jatyr. (Ońtústik-Shyǵys shaǵyn aýdanynyń oń jaǵy). Qolaısyz aýa raıynyń saldaryn jedel joıý úshin táýlik boıy kezekshilik uıymdastyryldy. Qazir 12 jedel jáne 12 jóndeý brıgadasy jumys isteıdi, 2 arnaıy tehnıka jumyldyryldy», — delingen habarlamada.

Aıta ketsek, Astanada qatty jel turǵyndardy ábigerge salyp jatyr. 

Búgin elordada birinshi aýysymda oqıtyn 0-7 synyp oqýshylary onlaın formatta oqydy.

Budan bólek Astanada ekinshi aýysymnyń 0-9 synyp oqýshylary qashyqtan oqyp jatyr.